Հայաստանի Հանրապետական կուսակցություն

 Մարտի 27-ին Քութայիսի քաղաքում գտնվող վրացական պառլամենտում մեկնարկեց Բազմակուսակցական ժողովրդավարության նիդերլանդական ինստիտուտի նախաձեռնությամբ կազմակերպված Հարավային Կովկասի և Ուկրաինայի երիտասարդ քաղաքական գործիչների 3-րդ համաժողովը: Պաշտոնական բացման արարողության ժամանակ ողջույնի խոսքով հանդես եկան Հարավային Կովկասում նիդերլանդական ինստիտուտի ներկայացուցիչ Լևան Ցուցկրիձեն, Վրաստանում և Հայաստանում Նիդերլանդների Թագավորության դեսպան Ստեֆան Ֆյուլեն: Վերջինս խոսեց Հարավային Կովկասի երկրների և Ուկրաինայի հետ կապված կոնֆլիկտների, համագործակցության հնարավորությունների և մարտահրավերների մասին:
Համաժողովի ծրագրային հատվածի բացումը կատարեց ՀՀԿ Երիտասարդական կազմակերպության անդամ Հայկ Մամիջանյանը, ով իր խոսքում ընդգծեց Հարավային Կովկասում գործող հիմնական քաղաքական կուսակցությունների միջև կապի կարևորությունը, խոսեց դրանց խոչընդոտների մասին` առաջարկելով լուծումներ: Նա ևս մեկ անգամ նշեց հայկական կողմի պատրաստակամության փաստը տարածաշրջանային համագործակցության առաջարկների քննարկման և կապերի հաստատման գործում:
Համաժողովի ընթացքում նախատեսված են 2 լիագումար նիստեր և քննարկեւմներ 6 թեմատիկ աշխատանքային խմբերում:
Հավելենք, որ համաժողովի գլխավոր նպատակն է հետազոտել տարածաշրջանում ժողովրդավարացման գործընթացի մարտահրավերները, ձեռքբերումները և առաջարկել համագործակցության հնարավոր և արդյունավետ մոդելներ: