Հայաստանի Հանրապետական կուսակցություն

 ՀՀ ԱԺ փոխնախագահ,
ՀՀԿ կանանց խորհրդի նախագահ Հերմինե Նաղդալյանին


Հարգարժան Տիկին Նաղդալյան,
Մեր հայ քույրերի բարեկամությամբ գործընկերներիս հետ միասին բարեհաջող վերադարձանք Չինաստան: Պատվիրակության բոլոր անդամների անունից և անձամբ իմ անունից թույլ տվեք անկեղծորեն շնորհակալություն հայտնել Ձեզ և Ձեր գործընկերներին:
Չնայած կարճ ժամանակով էինք գտնվում Հայաստանում, սակայն խորապես տպավորված ենք այցից: Ակտիվ աշխատանքի շնորհիվ մենք ՀՀ Նախագահ Ս.Սարգսյանի, ՀՀ ԱԺ նախագահ Գ.Սահակյանի և կին պատգամավորների հետ միասին ջերմ և ընկերական զրույց ունեցանք, այցելեցինք ՀՀԿ Նոր-Նորքի և Գեղարքունիքի տարածքային կազմակերպություններ և ծանոթացանք նրանց աշխատանքին` ուղղված կանանց և երեխաների զարգացման խթանմանը: Արդյունքը զգալի էր:
Տվյալ այցը չինացի կանանց առաջին այցն է Հայաստան Չինաստանի և Հայաստանի միջև դիվանագիտական հարաբերությունների հաստատման օրվանից ի վեր: Այցի ընթացքում խորապես կարծիքներ փոխանակեցինք մեր երկու երկրների կանանց կազմակերպությունների միջև հետագա համագործակցության ամրապնդման վերաբերյալ: Մենք շատ զգացված ենք Ձեր բարեկամական վերաբերմունքից չին ժողովրդի նկատմամբ, այդ թվում նաև չինացի կանանց նկատմամբ: Համոզված եմ, որ համատեղ ջանքերի շնորհիվ բարեկամական փոխայցելությունները և համագործակցությունը չինացի և հայ կանանց միջև էլ ավելի մեծ առաջընթացի կհանգեցնեն:
Սրտանց մաղթում եմ Ձեզ և մեր հայ քույրերին քաջ առողջություն, ընտանեկան երջանկություն և աշխատանքային հաջողություններ:
Հարգանքով,
Յուի Խունցյու
Կանանց Համաչինական ֆեդերացիայի նախագահի տեղակալ և քարտուղարության անդամ