Հայաստանի Հանրապետական կուսակցություն

 Երևանի քաղաքապետարանում անցկացվող ամենշաբաթյա աշխատանքային խորհրդակցության ժամանակ, նախքան օրակարգային հարցերին անցնելը, Երևանի քաղաքապետ Տարոն Մարգարյանը՝ բնակչության պաշտպանության բնագավառում ակտիվ գործունեության, արտակարգ իրավիճակների կանխարգելման, հնարավոր հետևանքների վերացման և արագ արձագանքման, ինչպես նաև քաղաքացիական պաշտպանության միջոցառումները պատշաճ մակարդակով կազմակերպելու և իրականացնելու համար ՀՀ ԱԻՆ ՓԾ Երևան քաղաքի փրկարարական վարչության պետ, ՓԾ գնդապես Մուշեղ Ղազարյանին պարգևատրել է <<Երևան քաղաքի պատվավոր փրկարար>> մեդալով:
Շնորհավորելով մեդալակրին և շնորհակալություն հայտնելով բարեխիղճ աշխատանքի համար՝ քաղաքապետը հույս է հայտնել, որ հետագայում համագործակցությունը ևս կլինի արդյունավետ և օպերատիվ:
Օրակարգային հարցերի շրջանակում քաղաքապետ Տարոն Մարգարյանը, անդրադառանալով Էրեբունի վարչական շրջանի Վարդաշեն թաղամասի հանրակացարանների բնակիչների հետ ունեցած հանդիպմանը, հանձնարարել է պատկան մարմինների հետ համագործակցված հնարավորին կարճ ժամկետում ավարտել մասնաշենքերից մեկի համայնքի ենթակայությանը փոխանցման գործընթացն ու քայլեր ձեռնարկել բնակիչների կողմից բնակարանների սեփականաշնորհման ուղղությամբ:
<<Մեկ մասնաշենքում արդեն իրականացվել է սեփականաշնորհման գործընթացը, և բնակիչներին տրվել են վկայականներ: Երկրորդ մասնաշենքում մենք դեռ անելիքներ ունենք, որպեսզի կարողանանք այդ քաղաքացիների բնակարանների սեփականաշնորհման խնդիրները ևս լուծել>>,-ընդգծել է Տարոն Մարգարյանը:
Քաղաքապետը նաև հանձնարարել է ուսումնասիրել և առաջարկություն ներկայացնել հանրակացարանային շենքերի գազիֆիկացման հնարավորության մասով:
Անդրադառնալով Գիտելիքի և դպրության օրվա կապակցությամբ անցկացված միջոցառումներին՝ հանրակրթության վարչության պետը զեկուցել է, որ քաղաքապետարանի ենթակայության բոլոր դպրոցներում հավուր պաշաճի կազմակերպվել են տոնական միջոցառումներ: Դպրոցներ են այցելել Երևանի քաղաքապետի տեղակալներ, վարչական շրջանների ղեկավարներ, քաղաքապետարանի աշխատակազմի ներկայացուցիչներ, ինչպես նաև Երևանի ավագանու անդամներ: Զեկուցվել է նաև, որ առաջին դասարանցիներն արդեն իսկ ստացել են համապատասխան դասագրքերը, իսկ շաբաթվա ընթացքում կավարտվի նաև բարձր դասարանների աշակերտներին դասագրքերի բաշխումը:
Առողջապահության վարչության պետը զեկուցել է, որ բոլոր դպրոցների բուժկետերն ապահովվել են առաջին անհրաժեշտության դեղորայքով և բուժպարագաներով: Զեկուցվել է նաև, որ սեպտեմբերի 1-ից 30-ն ընկած ժամանակահատվածում մայրաքաղաքում հայտարարված անվտանգ երթևեկության միամսյակի շրջանակում հանրակրթական ուսումնական հաստատությունների հարակից տարածքներում ոստիկանության կողմից սահմանված է ուժեղացված հերթապահություն:
Ամփոփելով <<Երևանյան ամառ>> խորագրով ծրագիրը՝ զեկուցվել է, որ բոլոր միջոցառումները կազմակերպվել և անցկացվել են պատշաճ մակարդակով: Եզրափակիչ միջոցառումն անցկացվել է Կարապի լճին հարակից տարածքում: Ծրագրի շրջանակում անցկացված անվճար բուժօգնության ակցիայի վերաբերյալ առողջապահության վարչության պետը զեկուցել է, որ քաղաքապետարանի ենթակայության համաբուժարաններ դիմած 2947 քաղաքացիներից 1070-ը լրացուցիչ հետազոտության են ուղեգրվել, կատարվել է 60 վիրահատություն, ևս 25 հոգի կվիրահատվեն առաջիկայում: Քաղաքապետ Տարոն Մարգարյանը հանձնարարել է ուշադրության կենտրոնում պահել աշխատանքները և ծրագրի ամբողջական ամփոփումից հետո ներկայացնել տեղեկատվություն:
Անդրադառնալով <<Երևանյան ամառ>> ծրագրի շրջանակում թանագարններ անվճար այցելության համար տրամադրված, սակայն չօգտագործված տոմսերի հարցին՝ քաղաքապետը հանձնարել է մինչև սեպտմեբերի 10-ը հնարավորություն տալ ծրագրով տրամադրված տոմսերով այցելել թանգարաններ:
<<<<Երևանյան ամառ>> ծրագիրը մայրաքաղաքում անցկացվեց առաջին անգամ, սակայն պետք է դառնա ավանադական և լինի առավել ընդգրկուն ու հագեցած տարբեր միջոցառումներով: Այդ ուղղությամբ արդեն իսկ պետք է մշակել համապատասխան ծրագիր և ներկայացնել առաջարկներ>>,- ընդգծել է քաղաքապետ Տարոն Մարգարյանը:
<<Ավելի մաքուր Երևան>> ծրագրի շրջանակում իրականացված սանիտարական մաքրման աշխատանքների հետ կապված՝ կոմունալ տնտեսության վարչության պետը զեկուցել է, որ ծրագիրն ամփոփվել է Արաբկիր վարչական շրջանի 2 զբոսայգիներում կազմակերպված աշխատանքներով: Իր գոհունակությունը հայտնելով ծրագրի արդյունավետ իրականացման համար՝ քաղաքապետ Տարոն Մարգարյանը շնորհակալություն է հայտնել ծրագրին ներգրավված բոլոր կառույցներին և կամավորներին ակտիվ մասնակցության համար:
Անդրադառնալով <<Արի տուն>> ծրագրի շրջանակում Երևանի քաղաքապետարանի կողմից ձեռնարկված աշխատանքներին զեկուցվել է, որ ՀՀ Սփյուռքի նախարարության կողմից Դավթաշեն, Աջափնյակ և Շենգավիթ վարչական շրջանները ճանաչվել են <<Լավագույն վարչական շրջաններ>>, իսկ Քանաքեռ-Զեյթուն վարչական շրջանում բնակվող Ալոյանների ընտանիքն էլ, որը հյուրընկալել է 5 սփյուռքահայ երեխաների, որպես <<Լավագույն հյուրընկալ ընտանիք>>:
Շարունակվում է հսկողությունը օբյեկտներին հարակից տարածքների պարտադիր բարեկարգման և կանաչապատման ուղղությամբ տարվող աշխատանքների նկատմամբ: Զեկուցվել է, որ առաջիկայում մայրաքաղաքում գործող բոլոր սուբյեկտերին կներկայացվի այն աշխատանքների բնութագիրը, որը պահանջվում է տնտեսվարողներից:
Մայրաքաղաքում գործող ավտոկանգառների նոր կարգի պահպանման ուղղությամբ տարվող աշխատանքների մասով քաղաքապետը հանձնարարել է խստորեն հետևել գործընթացին և ապօրինի գանձումներ հայտնաբերելու դեպքում ձեռնարկել համապատասխան միջոցներ:
<<Հին Երևան>> ծրագրի իրականացման ուղղությամբ տարվող աշխատանքներին անդրադառնալով՝ քաղաքապետ Տարոն Մարգարյանը հանձնարարել է ծրագրի ընթացքի վերաբերյալ պարբերաբար իրականացնել հանրային իրազեկում՝ հաշվի առնելով ծրագրի նկատմամբ մեծ հետաքրքրությունը: