Հայաստանի Հանրապետական կուսակցություն

 «34 տարի առաջ մեկնարկեց մի շարժում, որի նպատակն էր՝ երկու հայկական պետության վերականգնում, որի նպատակն էր՝ հայ ժողովրդի անվտանգության, արժանապատվության ապահովում: Այդ շարժումը վերջին 4.5 տարվա ընթացքում քայքայվում է»,- Կառավարության մոտ բողոքի ակցիայի ժամանակ ասաց ՀՀԿ անդամ Հայկ Դերզյանը:

Նա նշեց. «Այս օրերին Ադրբեջանը շրջափակել է Արցախը, 120.000 հայի, խափանել գազի մատակարարումը, ինչի հետևանքով հազարավոր երեխաներ և ծերեր սառչում են:  Բազմաթիվ են դեպքերը, երբ ծանր հիվանդ մարդիկ չեն կարողանում հասնել Հայաստան, քանի որ թշնամին փակել է ճանապարհը: Սա փաստացի մարդու կյանքի իրավունքի, ազատության խախտում է: Այս իշխանությունները ոչնչով չեն տարբերվում թուրքական մեխի գլխից: Նոյեմբերի 9-ի կապիտուլյացիոն փաստաթղթից հետո բազմիցս հայտարարել ենք, որ մեր պարտությունն ավելի է խորանալու: Մենք պատրա՞ստ ենք այս ամենը հանդուրժել: Մենք ցանկանում ենք ազգային, տեխնոկրատ պետական իշխանություն»,- իր ելույթում հարց ուղղեց հավաքվածներին ՀՀԿ երիտասարդ անդամը:

Անի Կարապետյան

168.am