Հայաստանի Հանրապետական կուսակցություն

 

«10 մեջբերում Սերժ Սարգսյանի համագումարյան ելույթից։

 

1. Հարց եմ տալիս՝ եթե այս բոլոր գործոնները կային՝ լայնածավալ և երկարատև պատերազմ, որն, ի հակառակ միջնորդական ջանքերի, կանգ չէր առնում, ապա ինչո՞ւ չճանաչեցիք Արցախը։ Էլ ի՞նչ կարող էր լինել այդքանից հետո։

2. Կյանքով և պայքարով կոփված մեր էգոն, հարգելի´ կուսակիցներ, երբեք չի´ վերածվել և չի´ վերածվելու էգոիզմի։

 

3. Չմասնակցելը պայքարից հրաժարվել չէ։

4. Այն, ինչ այս ռեժիմը պլանավորել է որպես նախընտրական խնջույք, պետք է և կարող է դառնալ ընտրություններից առաջ մեր երկրի դառը իրականությունը ներկայացնելու առիթ, ճշմարտության պահ։

5. Մեր տեսլականը պարզապես խոստումների կամ երազանքների ցուցակ չէ. այն բարոյական պարտավորություն է և ոչ երբեք՝ կեղծ քաղաքացիական պայմանագիր։

6. Հայաստանը չպետք է լինի ո´չ հաճախորդ պետություն, ո´չ մակաբույծ պետություն, ո´չ էլ էթնոգրաֆիկ թանգարան։

 

7. Անբարոյականությունն ու զավեշտը հասել են այնտեղ, որ Արցախի հերոսական ժողովրդին փախած կամ թռած է անվանում մի մարդ, ում ամբողջ կյանքն ու քաղաքական կենսագրությունը հիմնված է փախուստի և թռչելու վրա։

8. Այս ամբիոնից ուզում եմ վերստին ընդգծել. ես մշտապես բանակցել եմ Արցախի ժողովրդի ինքնորոշման իրավունքը միջազգայնորեն երաշխավորելու և իրագործելու համար։ 

 

9. Արցախյան բանակցային ժառանգությունը, այո, նույնպես մսխվել է՝ մսխվել է անբարո, հակապետական քայլերով և դիտավորյալ։

10. Ո´չ, դեպի սպանդանոց մեզ ոչ թե ՀԱՊԿ-ն է տարել, դեպի սպանդանոց մեզ տարել եք դուք»։