Լուրեր
Ինչ է նշանակում Հանրապետական կուսակցություն այսօր․ Աշոտյան
07.04.2026
ՀՀԿ փոխնախագահ Արմեն Աշոտյանը ֆեյսբուքյան իր էջում գրել է․
«Մեր Կուսակցությունը ծնվել է պայքարից , եւ քանի այդ պայքարը, նրա նպատակները կան՝ մենք լինելու ենք, մենք պարտավոր ենք լինել։
8 տարի է, ինչ փորձում են թաղել մեզ, եւ ամեն անգամ մենք ապացուցում ենք, որ կանք։
Քանզի մարդիկ կարող են գալ եւ գնալ, նրանք անցողիկ են։ Բայց արժեքները ՝ երբեք։
Որովհետև Հանրապետական կուսակցությունը անհատների հավաքածու չէ։ Այն իշխանության մեքենա չէ։ Այն գաղափար է։
Այն գաղափարն է, որ Հայաստանը կարող է լինել մրցունակ, որ Հայաստանը պետք է լինի ազատ, որ Հայաստանը պարտավոր է լինել ազգային։
Այն գաղափարն է, որ պետությունը գոյություն ունի ազգին ծառայելու համար, ոչ թե հակառակը։
Ինչ է նշանակում Հանրապետական կուսակցություն այսօր։
Ահռելի փորձ առանց կոռուպցիայի։
Հայրենասիրություն առանց դեմագոգիայի։
Ուժ առանց ամբարտավանության»։