Լուրեր
Սերժ Սարգսյանի օրոք Հայաստանը կապիտուլացված չէր․ Գրիգորյան
28.08.2025
ՀՀԿ խորհրդի անդամ Միքայել Գրիգորյանը ֆեյսբուքյան իր էջում գրել է․
«Հիմա էլ նոր, ոչ շատ մաշած խոսափողեր են գործի դնում, որոնք փորձում են պատմության էջերը շուռ տալ՝ հին տեսագրություններով արդարացնել իրենց և իրենց շեֆերի բերած ներկա աղետը։
Բայց հիշեցնենք պարզ ճշմարտությունը,
Սերժ Սարգսյանի օրոք Հայաստանը կապիտուլացված չէր, Հայաստանը հաղթող էր։
Այո՛, եղել է դրվագ, երբ Նազարբաևը կարդացել է Ալիևի նամակը։
Բայց հենց էդ նույն Ալիևն էր հետո հայտարարում, որ փակ դռների հետևում իրեն ստիպում էին ընդունել Արցախի անկախությունը։
Սա է իրական դիվանագիտությունը։
Պետությունը ղեկավարում էր պետական գործիչ, հստակ ռազմավար,
ով գիտեր՝ երբ, որտեղ և ինչպես պատասխանել։
Անհրաժեշտ պահին՝ սառնասրտորեն, հաշվարկված, առանց էմոցիոնալ շոուների։
Արդյունքը՝ ազատ Արցախ, ամուր սահմաններ, ուժեղ պետություն։
Սերժ Սարգսյանի օրոք Հայաստանը բանակցում էր ուժեղ և հաղթանակած կողմի դիրքերից։ Դա փաստում է նաև հենց Ալիևը, երբ 2020-ի պատերազմից հետո հայտարարեց․ «Մենք պատերազմել ենք ոչ թե Նիկոլի, այլ նախկինների դեմ»։
Այսօր իրավիճակն այլ է։
Վերջին յոթ տարիներին, ցավոք, կապիտուլյանտի իշխանության ներքո ընդունվեցին որոշումներ, որոնք բացել են նոր կորուստների ճանապարհ։ Արդյունքում՝ մենք կանգնած ենք իրական և փաստացի կապիտուլյացիայի հետևանքների առաջ։
Ներկա իշխանությունը և նրանց «քաղաքական սատելիտները» գլուխները կախ հետևում են Ալիևի օրակարգին, ժամանակ առ ժամանակ կոֆե խնդրում:
Սրանք ոչ թե բանակցում են, այլ կատարում հրամաններ։
Եվ ամեն օր, ամեն ամիս, ամեն տարի մենք կորցնում ենք մեր հողերը, մեր դիրքերը, մեր արժանապատվությունը։
Ոչ ոք չի կարող պատմությունը կեղծել․
• Սերժ Սարգսյանի օրոք Հայաստանը հաղթում էր բոլոր դաշտերում։
• Կապիտուլյանտի իշխանության օրոք Հայաստանը մաս-մաս հանձնվում է։
Հետևությունը պարզ չէ միայն անխելք մարդուն կամ էլ այն մարդկանց շրջանակին, ովքեր այսօր թե փող , թե դիրք են ստանում այս խայտառակ աղետալի իրավիճակը «թաքցնելու» համար»: