Հայաստանի Հանրապետական կուսակցություն

 

«Երեկ մամուլում աչքովս ընկավ, որ պատգամավորի մանդատ ստացած ինչ-որ անձ, ով նախորդիվ եղել է Ռազմարդյունաբերության կոմիտեի ղեկավար,  ռազմարդյունաբերության աշխատանքը «զրո» է գնահատել մինչև 2018թ.-ը, իսկ այսօրվա ռազմարդյունաբերությունը գնահատել է «հզոր ռազմարդյունաբերություն»։ 

Մասնավորապես՝ «Հրապարակ» թերթին ասել է, մեջբերում եմ. «Հայաստանը մինչեւ 2018-ը երբեւիցե ռազմարդյունաբերության մասով այդքան աշխատանքներ չի արել, ինչ անում է դրանից հետո, մինչ այդ մենք ունեցել ենք զրո, իսկ հիմա ունենք հզոր ռազմարդյունաբերություն»։ 

 

Այդ «հզոր ռազմարդյունաբերությունն» էլ չգիտես ինչու ամեն տարի հատկացված բյուջեով թերակատարում է գրանցում։ Պատասխանատուների հիմնավորումները մանիպուլյատիվ են, իսկ արդյունքը ակնհայտ անգործություն է։ 

Օրինակ՝ 2024-ի տարեկան պետբյուջեով ռազմարդյունաբերության ոլորտի համար պլանավորված 5,82 մլրդ դրամից փաստացի ծախսվել է ընդամենը 1,5 մլրդ-ը, որը կազմում է տարեկան պլանի ընդամենը 25%-ը։ Ի դեպ նշենք, որ ռազմարդյունաբերության բյուջեն 2021-ից սկսած շարունակ թերակատարվում է մինչև այսօր, օրինակ՝ 2021-ին պլանավորված 4,57 մլրդ դրամից իրացվել է 3,1 մլրդ-ը, 2022-ին՝ 5,23 մլրդ-ից 2,97 մլրդ-ը, 2023-ին՝ 6,84 մլրդ-ից՝ 1,1 մլրդ-ը, իսկ 2024-ին՝ 5,82 մլրդ-ից՝ 1,5 մլրդ-ը, 2025-ի պետական բյուջեով ռազմարդյունաբերության ոլորտին հատկացվել է 5,72 մլրդ դրամ։ Իսկ ուր են ուղղվում այդ չկատարված գումարները։ 

Եվս մեկ հարց, ինչու՞ լուծարվեց «Ռազմատեխնիկական գիտահետազոտական ինստիտուտ» ՊՈԱԿ-ը, որն ուներ մարտավարատեխնիկական առաջադրանքներ կազմելու ֆունկցիա։ 

 

Ինչու է այնպես ստացվում, որ այդ «հզորների» ժամանակ Աբու Դաբիում կայացած «IDEX-2021» միջազգային ռազմարդյունաբերական ցուցահանդեսում հայկական ընկերությունները ներկայացել էին դատարկ տաղավարով, և որքան գումար էին ծախսել «IDEX-2021»-ին բուկլետով ներկայանալու համար։ 

Հզորությունը միայն գլուխ գովալու մեջ չի, այլ իրական ցույց տված արդյունքի» ։