Հայաստանի Հանրապետական կուսակցություն

 

«Իսկ  ձեզանից քա՞նիսն են այսօր շնորհավորել ՀՀԿ-ի 35 -ամյակը

Գյումրվա ընտրություններից հետո, երբ ընդդիմադիր երկու թեկնածուներն անմիջապես հայտարարեցին, թե միանում են  Վարդան Ղուկասյանին, բոլորս  սրտատրոփ, այո, հենց այդպես, սպասում էինք Մարտուն Գրիգորյանի նույնատիպ հայտարարությանը։Հայտարարությունը չեղավ հաջորդ օրը եւ ցայսօր մյուս օրերին։ Մեզանից շատերը նյարդայնացան, հուզվեցին, ջղայնացան, չհասկացան։ Մինչդեռ,  տվյալ հայտարարության համար օրենքով սահմանված   ժամկետները դեռ սպառված չեն։  Ժամանակ դեռ կա։  Ոչ մեկի համար գաղտնիք չէ, որ  դժվար որոշում է լինելու, նկատի ունենալով երկու գերդաստանների անցյալը։  Այդուհանդերձ՝ ըստ իս՝ քաղաքականության մեջ, միայն՝ քաղաքականություն։ Կարծում եմ, որոշումը հենց այդպիսին էլ լինելու է։ Չմոռանանք, որ   մեր երկրում կան  բնակավայրեր,  մասնավորպես՝ Գյումրին, Շիրակի մարզը, որտեղ ազգակցական կապերը  այլ հզորություն ունեն։ Սպասենք սթափ եւ   չհիասթափեցնող որոշման։ 

 

Իսկ հիմա այն, ինչն ուզում եմ ասել։  Անցնող մի քանի օրերը, իրոք դարձան լակմուսի թուղթ, ով  ոնց կարող էր, ոնց հրահանգավորվել է,  սկսեց հարձակումներ ՀՀԿ-ի եւ նրա առաջնորդի ուղղությամբ, ընդ-որում՝ անտեղի եւ անարդար։ Կարծես նույն կենտրոնից  <նա ստարտ,վնիմանյե-մարշ> հրահանգ եղավ եւ սկսեցին։ Զուտ, հիշեցնեմ՝ պարոն Գրիգորյանը ՀՀԿ անդամ չէ,  նրան ուղղորդել կարող է ինքը , իր  խիղճը,  եւ այն դաշինքը, որով առաջադրվել է։ Իսկ իրենց թունդ ընդդիմադիր համարող որոշ անձեր, լավ կանեն լռեն, քանզի տեսել ենք բոլորին  տարբեր ճամբարներում, տարբեր երգեր երգելիս եւ չենք գայթակղվել։

 Բոլորդ վաղուց  բացահայտված <վերլուծաբաններ> եք, տղերք եւ աղջկերք։ Մի շտապեք,  քիչ կոտորեք ձեզ, մտածեք, թե ինչ եք ասելու, երբ խորը հիասթափության մեջ  կհայտնվեք եւ ձեր ոչ մի <հանճարեղ կանխատեսումը> չի իրականանա։

 

Հ․Գ․Ի դեպ, այսօր ՀՀ-ում առաջին գրացված քաղաքական կուսակցության՝   ՀՀԿ-ի  35- ամյակն է,    տոն, հպարտություն եւ արժանապատվություն։Անկախ Հայաստանը կերտողներից մեկը։ Իսկ ձեզնից քա՞նիսը այսօր շնորհավորեց ՀՀԿ ծնունդը։ Մի՞ թե  ձեզ պատած մաղձը թույլ չտվեց   բարի խոսք ասել այն քաղաքական ուժին, որից դեռ ահռելի ակնկալիք ունենք, եւ, որն արդեն յոթը տարի     առաջնագծում չի հոգնում նիկոլի եւ նիկոլիզմի դեմ պայքարում» ։