Հայաստանի Հանրապետական կուսակցություն

 

«Ի՞նչ «բացահայտեց» Գյումրին

 

Մինչ Գյումրու ՏԻՄ ընտրություն, հիմնական հայտարարություններն ու վերլուծություններն այն մասին էին, որ Գյումրին կարող է դառնալ լակմուսի թուղթ, ջրբաժան, որ Գյումրուց սկիզբ առած քայլիստների խմբակը իր անփառունակ վախճանը կգտնի  նույն Գյումրուց։ 

 

Անշուշտ, դեռ վաղ է  արձանագրել այս կամ այն կանխատեսման ֆիասկոն կամ հաղթանակը, սակայն, Գյումրին այո, եղավ փորձաքար, եւ  իրավիճակը   հստակեցվեց նաեւ  մի քանի  բացահայտումների շնորհիվ։ 

Դիցուք․

-կարեւորը՝ գյումրեցուն ոչ թե ասֆալտը,շիբինը եւ այլ կենցաղային հարցեր են  մտահոգում, այլ՝ երկրի անվտանգությունը, արժանապատվությունը եւ ազգային արժեքները:

-  կրկին  պարզ դարձավ, որ   մեկ քաղաքական ուժ կամ մեկ անհատ  առանձին վերցրած, չի կարող միայնակ  հաղթել  նիկոլին

-այո,  ընդդիմությունը  բավական ձայներ ստացավ, բայց, դա այն բավարարը չէր, որը մեկ  ուժի  առաձին կբերեր հաղթանակի,  փաստն այն է, որ    միայն  ընդդիմադիր ուժերի միավորվելով հնարավոր կլինի քպին զրկել իր ակնկալիքից:

-առանց  փողոցային պայքարի, առանց ժողովրդական ճնշման ընտրության արդյունքները չեն կարող բավարար լինել քպին համապետական իշխանությունից հեռացնելու համար:

- ընտրակեղծիքները,  բիրտ ուժի կիրառումը, ուժային կառույցների համար մեկ պատրաստվածությունը վկայում էր, որ պատրաստ են  ամեն ինչի:

-ընտրողը ձայն տվեց  անհատին, ոչ  թե կոմկուսին, կամ  կուսակցությունների  մյուս դաշինքներին, ձայն ստացան անձինք, ովքեր  այս կամ այն չափով ընդունելի են  տվյալ ընտրազանգվածի համար։

-ընդ որում, հաշվի չառնվեց նաեւ այդ անձանց անցյալը,  նախկին  կամ նախկինի նախկին լինելը:

 

-պարզ դարձավ  որ նախկինների անունը շահարկելն այլեւս   նորաձեւ  չէ, ընտրողը այլեւս ներկաներից  զզվում է եւ մերժում է նրանց  շատ ավելի, քան դա կար նախկինների հանդեպ:

-պարզ դարձավ, կրկին՝ ավելորդ անգամ, որ ընդդիմության ճամբարում կան եւ դեռ բարգավաճում են  անձինք, որ  հաճույքով «օգտագործվում» եւ վճարվում  են իրենց տերերի կողմից՝ ՀՀԿ-ի վրա  վայրահաչելու համար:

- ավելորդ անգամ պարզ դարձավ, որ որոշ ուժեր  չեն կարողանում թաքցնել,  որ խիստ հիասթափված են այն փաստով, որ ՀՀԿ-ն   կա, ուժեղ է, եւ շարունակում  է լինել նիկոլի դեմ պայքարի առաջամարտիկ։

-ոմանք այդպես էլ չհասկացան, կամ չուզեցին հասկանալ, որ իրենց թիվ մեկ թիրախը պետք է  լինի   ոչ թե ՀՀԿ-ն, այլ՝ նիկոլը, եթե իրոք, իրենց «պապայի արեւ» ուզում են հեռացնել  նիկոլին:

 

Հետեւություն․

Հարգելի  եւ ոչ այնքան հարգելի  ընդդիմադիրներ եւ «ընդդիմադիրներ», եթե իրոք  ուզում եք նիկոլից ազատել մեր երկիրը, ազատագրել  դրածոներից, ուրեմն՝ խելքի եկեք եւ հետեւություններ արեք» ։