Լուրեր
Մեկա Փաշինյանի դեմ պայքարում ձեզանից օգուտ չկա․ Մամիջանյան
02.03.2025
ԱԺ «Պատիվ ունեմ» խմբակցության ղեկավար Հայկ Մամիջանյանը ֆեյսբուքյան իր էջում գրել է․
«ՀՀԿ փոխնախագահ, քաղբանտարկյալ Արմեն Աշոտյանը մի քանի ժամ առաջ փաստաբանների միջոցով գրառում էր տարածել մեր դեմ անդադար ծախու հոդվածներով և ստերով աշխատող Արամ Գաբրիելյանովի մասին:
Ինձ ուղարկել են Գաբրիելյանովի տելեգրամյան էջի սքրինշոթը, որտեղ երևում է, թե ինչպես է ինքը հերթական պատվիրված գրառումից հետո «հաշվետվություն» ուղարկում պատվիրատուին ու, հավանաբար, սխալ չատի մեջ է գրում «вот опубликовал» նամակը:
Բնականաբար, այն շատ արագ հեռացվում է, բայց դե սքրինշոթն արդեն կար:
Հետաքրքիր է՝ ծախու գրառումների համար ՀԴՄ տալի՞ս են. գոնե հարկ վճարվի ՀՀԿ-ի ու Սերժ Սարգսյանի դեմ կեղտոտ արշավից:
Մեկա Փաշինյանի դեմ պայքարում ձեզանից օգուտ չկա»:
