Լուրեր
1906թ. փետրվարի 18ին, ծնվել է ԽՍՀՄ զրահատանկային ուժերի գլխավոր մարշալ, ԽՍՀՄ հերոս, Բեռլինյան օպերացիայի գլխավոր դերակատարներից մեկը' Համազասպ Բաբաջանյանը
18.02.2025
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրել է․
«1906թ. փետրվարի 18ին, ծնվել է ԽՍՀՄ զրահատանկային ուժերի գլխավոր մարշալ, ԽՍՀՄ հերոս, Բեռլինյան օպերացիայի գլխավոր դերակատարներից մեկը' Համազասպ Բաբաջանյանը։
Բաբաջանյանը ռուսական բանակի հայ լեգենդար հրամանատարներ Մադաթովի,Լոռիս-Մելիքովի,Բեհբութովի հաղթական ավանդույթները շարունակողն էր։
Մարշալ Բաբաջանյանը մասնակցել է Սմոլենսկի պաշտպանությանը,Ելնայի օպերացիային,Կուրսկի հերոսական ճակատամարտին եւ ,իհարկե,Բեռլինի գրավմանը։
Անուրանալի է հայ ժողովրդի զավակների ներդրումը ֆաշիզմի դեմ պայքարում։
Մարշալ Բաբաջանյանին ամենադիպուկ բնորոշումը տվել է ԽՍՀՄ մարշալ,Մեծ Հաղթանակի խորհրդանիշ Գեորգի Ժուկովը։
Խոսելով Բեռլինի գրավման պատասխանատուներից Համազասպ Բաբաջանյանի մասին՝ Հաղթանակի մարշալն ասել է.
«Այդ հայը վստահաբար կկատարի առաջադրանքը։
Նա վախ չունի, հնարամիտ է եւ օժտված»։
Հայ ժողովրդի պանծալի զավակ Համազասպ Բաբաջանյանի հուշարձանը բացվել է 2016-ի մայիսի 23-ին ՀՀ երրորդ նախագահ Սերժ Սարգսյանի նախաձեռնությամբ եւ մասնակցությամբ։
Հավերժ փառք Մեծ Հայրենականի հերոսներին։
Բաբաջանյանն իր հերոսական գործունեությամբ օրինակ է հանդիսացել ապագա Անկախ Հայաստանի բազմաթիվ սպաների համար» ։
