Հայաստանի Հանրապետական կուսակցություն

 

«Ժամանակը հավերժ է, անվերջ։

Մենք ենք անցողիկ։

Եւս մեկ տարի՝ 2024-ը, գալիս է եւս մեկը՝ 2025․․եւ, այսպես, մինչ այն պահը երբ ժամանակը կանգ կառնի, միայն Աստծուն է հայտնի՝ ում համար, երբ եւ ինչպես։ Եւ, քանի դեռ ժամանակը  մեզ համար կա եւ մենք կանք այդ ժամանակի մեջ՝ ԱՊՐԵՆՔ,ՍԻՐԵՆՔ,ՀԱՎԱՏԱՆՔ․․․

 

ԱՊՐԵՆՔ, որովհետեւ Աստված է մեզ  պարգեւել այս կյանքը

ՍԻՐԵՆՔ, որովհետեւ առանց սիրո  կյանքը կյանք չէ

ՀԱՎԱՏԱՆՔ, որովհետեւ ուժը հավատն է․․․

Այո, ժամանակը հավերժ է, մարդն՝ անցողիկ։ 

Սա է մեր ժամանակը, ուրեմն՝ ի գործ, անելիք ունենք 2025-ին։ Կարեւոր  գործ կա, չարված գործ, կիսատ գործ՝ հայրենիքն ազատագրել, ապա՝ շենացնել ու սիրել այդ հայրենիքը։

Սիրել իրական,արյունոտվող, տքնաջան սիրով եւ ոչ՝ կենացներով։

 Աստված , այո, հային  տանում է փորձությունների։ Միշտ։ 

Ինչպես 88-ին, 2025-ին եւս պարտավոր ենք արժանի լինել   ԿՅԱՆՔԻՆ, ՍԻՐՈՆ եւ՝ ՀԱՎԱՏԻՆ․․

 

Շնորհակալությամբ ճանապարհենք 2024-ը։

Ծնվեցին նոր մարդիկ, ծնվեցին նոր կյանքեր եւ դա է  օրենքը։

Այո, ունեցանք կորուստներ՝ ընկերների, հարազատների, հարեւանների, բարեկամների։ Հոգիներին՝ խաղաղություն։

Ծնունդ-կյանք-մահ, այսպես է որոշված ի վերուստ։

Ամենքս ունենք կյանքի մեր ժամանակը։

Արժանի լինենք մեր ժամանակին։ 

 

Ուզում եմ իմ  ու ձեր այս  ժամանակում տեսնել Հայաստանը առանց <սրանց>, տեսնել Հայաստանը  շենացող, ժպտացող եւ արժանապատիվ։

Շնորհավոր Նոր տարի։

Բարով արի 2025․․․» ։