Հայաստանի Հանրապետական կուսակցություն

 

«Փաշինյանի քայլերը հիշեցնում են տխրահռչակ կոլլաբորացիոնիստ Պետենին, ում ֆրանսիական դատարանը ցմահ ազատազրկման դատապարտեց։

Ակնհայտ է,որ  կապիտուլյանտ կառավարությունը համաձայնվել է թուրքական պայմաններով «կարգավորել» հայ-թուրքական հարաբերությունները։

Հայաստանի իշխանությունն այլեւս չի խոսում ցեղասպանությունից եւ չի պահանջում ցեղասպսնության դատապարտում։

Փաստացի հրաժարվել եւ խորը դարակների մեջ է մտցրել թուրքական ժխտողականության դեմ քաղաքականությունը։

Ավելին.սրանք «ձեռքերը լվացել» են Արցախից ու այլեւս չեն պահանջում ինքնորոշման իրավունքի պարտադիր իրացում։

Կարճ ասած ՝Հայաստանի կառավարող ռեժիմն ինձ հիշեցնում է 1940-1944թթ. Ֆրանսիայի՝ նացիստների կամակատար Վիշիի ռեժիմը։

Որեւէ էական տարբերություն դժվար է գտնել Հայաստանում գործող կապիտուլյանտ եւ թշնամիների կամակատար՝ ֆրանսիական Վիշիի ռեժիմների միջեւ։

 

Երկուսն էլ ֆորմալ առումով կառավարություն են։

Երկուսն էլ համագործակցում են ազգի թշնամի պետությունների հետ։

Վիշիի ռեժիմի ղեկավար Պետենը ,դավաճանելով ֆրանսիացիներին ,հանդիպումներ էր ունենում եւ համագործակցում էր հանցագործ հիտլերի հետ,իսկ կապիտուլյանտների ռեժիմի ղեկավար Նիկոլը,անտեսելով  ազգային շահերը,հանդիպումներ է ունենում հազարավոր հայորդիների զոհվելու պատճառ դարձած  թշնամի պետության ղեկավարի հետ՝ խոնարհաբար կատարելով նրա պահանջները։

 

Թե՜ Պետենը եւ թե՜ Նիկոլը պատերազմներում պարտությունների մեջ մեղադրեցին «նախկիններին»։

Թե՜ մեկը եւ թե՜ մյուսը պետական ու ազգային շահերի պաշտպանության հետ որեւէ կապ չունեն։

Սակայն Պետենի օրինակը ցույց տվեց,որ ոչինչ անպատիժ չի մնում։

Ֆրանսիայի ազատագրումից հետո Պետենը դատապարտվեց ցմահ ազատազարկման։

Ասում են պատմությունը կրկնվելու դաժան հատկություն ունի։

 

16.12.2021

Հ.Գ. Այս գրառումից անցել է ուղիղ 3 տարի։

«Հայկական Պետենը» ,կոլլաբորացիոնիզմի լավագույն ավանդույթներին համաձայն, հանձնեց Արցախը ու նպաստեց Արցախի հայաթափմանը։

Նա նույնիսկ պատերազմ հայտարարեց Անկախության հռչակագրին ու շարունակում է կառավարել։

Պետենին օժանդակում էր Հիտլերը,Նիկոլին՝ Էրդողանը։

Ֆրանսիան փրկվեց դիմադրության ու դաշնակիցների շնորհիվ։

Հայ ժողովուրդն իր պետականությունը փրկելու համար նախ եւ առաջ պետք է ընտրի ոչ թե կոլլաբորացիինիզմը,այլ՝ ազգային դիմադրության ճանապարհը»։