Լուրեր
Հետևանքը` հանձնված ու հայաթափված Արցախն է․ Տիգրան Աբրահամյան
29.07.2024
![](http://www.hhk.am/files/n_pics/29562_s.jpg)
ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրել է․
«44-օրյա պատերազմից հետո, երբ ՀՀ իշխանությունն Ադրբեջանին զիջեց/հանձնեց Քաշաթաղի, Քարվաճառի, Հադրութի, Ակնայի շրջանները, Շուշին ադրբեջանցիները Արցախի` այդ պահին հայկական վերահսկողության տակ մնացած տարածքի շուրջ, խոշոր ենթակառուցվածքային աշխատանքներ սկսեցին:
Նախ մեկնարկեց դեպի Շուշի ճանապարհը, որից մեկ տարի անց արդեն երկրորդ` դեպի Շուշի գնացողը, որն անցնում էր նաև թունելներով:
Երկրորդ խոշոր ուղղությունը` դեպի Քաշաթաղ ու այնտեղից Քաշաթաղը Քարվաճառին կապող ճանապարհներն էին, որոնց մի մասը ևս թունելներով էր կառուցվում:
Ադրբեջանը 2021-22 թթ.-ին փորձում էր իր վերահսկողության տակ անցած հայկական շրջանները միմյանց կապելու և հայկական Արցախը օղակի մեջ վերցնելու ռազմավարական խնդիր լուծել:
2023 թվականի սեպտեմբերի ռազմական գործողություններից հետո, վերոնշյալ ուղղություններով ենթակառուցվածքային աշխատանքներում լուրջ փոփոխություններ մտցվեցին, որոշ տեղամասերում աշխատանքի ինտենսիվությունը կա´մ կտրուկ ընկավ կա´մ նույնիսկ դադարեց:
Իհարկե, ոչ միայն այս առումով, բայց այս հանգամանքը ևս հստակ ցույց է տալիս, որ Ադրբեջանի ամբիցիաները նույնիսկ կապիտուլյացիայից հետո այն աստիճան ամբիցիոզ չէին որքան 22 թ.-ի աշնանից հետո:
Ավելի պարզ ասած, ակնհայտորեն, պատերազմից անմիջապես հետո, Ադրբեջանը չէր ակնկալում, որ 3 տարի անց հնարավորություն կտրվի Արցախն ամբողջությամբ օկուպացնել, հակառակ դեպքում որոշ մեգապրոյեկտներ լրիվ այլ կերպ կպլանավորվեին ու կիրացվեին:
Հայաստանի կառավարչի հայտնի հայտարարություններն Արցախն Ադրբեջան հռչակելու վերաբերյալ, ինչպես նաև` դրան հաջորդած քաղաքական քայլերը, տարածաշրջանում իրադրային կտրուկ փոփոխությունների բերեցին, որի հետևանքով նաև միջազգային դերակատարների դիրքորոշումներում վերանայումներ եղավ:
Հետևանքը` հանձնված ու հայաթափված Արցախն է:
Հ․Գ․. Լուսանկարում Արցախը Հայաստանին կապող Հակարի կամուրջն է, որը վերջին շրջանում միակ հագույցն էր մնացել, որով ՀՀ-ից Արցախ ու հակառակ ուղղությամբ տեղաշարժերն էր ապահովում: Մինչև 2023 թվականն այս հատվածը ամենաակտիվ ադրբեջանական շինհրապարակներից էր, իսկ հիմա շարժն անգամներով նվազել է»:
![Հնարավոր է սա սար, հորիզոն and ճանապարհ նկարն է](https://scontent.fevn6-3.fna.fbcdn.net/v/t39.30808-6/452846985_8054222821309832_7646051821141016297_n.jpg?_nc_cat=108&ccb=1-7&_nc_sid=833d8c&_nc_ohc=iddPCmJOYxUQ7kNvgHNx-13&_nc_ht=scontent.fevn6-3.fna&cb_e2o_trans=q&oh=00_AYCn0DQVz4rIIVv6aO23RuEjxzD6BpwNjy8oRq8EFrs7hw&oe=66AD13C9)
![Հնարավոր է սա սար and ճանապարհ նկարն է](https://scontent.fevn6-2.fna.fbcdn.net/v/t39.30808-6/452316271_8054222617976519_4378237522961137737_n.jpg?_nc_cat=102&ccb=1-7&_nc_sid=833d8c&_nc_ohc=K_uE7_IX_HQQ7kNvgHBZjZQ&_nc_ht=scontent.fevn6-2.fna&cb_e2o_trans=q&oh=00_AYDLPwllZ4zEBrmWKcssNhbKTzp9DX7bs90jt7o9okXEdQ&oe=66AD398D)
![Հնարավոր է սա հորիզոն, սար and ճանապարհ նկարն է](https://scontent.fevn6-2.fna.fbcdn.net/v/t39.30808-6/453169102_8054222714643176_2855183168178762900_n.jpg?_nc_cat=109&ccb=1-7&_nc_sid=833d8c&_nc_ohc=Hl9VNWlmaDkQ7kNvgESVFFd&_nc_ht=scontent.fevn6-2.fna&cb_e2o_trans=q&oh=00_AYAsrIf_oY8mbaTOTo-mGLevteehafxdYwiGxs3tn_o0NQ&oe=66AD34FB)
![Հնարավոր է սա road նկարն է](https://scontent.fevn6-5.fna.fbcdn.net/v/t39.30808-6/453416054_8054222671309847_4353975783526484676_n.jpg?stp=cp6_dst-jpg&_nc_cat=105&ccb=1-7&_nc_sid=833d8c&_nc_ohc=VKPTPDhcgPkQ7kNvgFbMfq_&_nc_ht=scontent.fevn6-5.fna&cb_e2o_trans=q&oh=00_AYDn-NSi0TRjk6ij9NIcgTez2Na9QWIsoSfJ5mdF77BT4g&oe=66AD1F94)