Լուրեր
Բոլոր նրանք, որ այս պայքարի մեջ կփորձեն «դիվիդենտներ» շահել ընդդեմ «նախկինների»․․․Մարգարիտ Եսայան
21.05.2024
ՀՀԿ ԳՄ անդամ Մարգարիտ Եսայանը ֆեյսբուքյան իր էջում գրել է․
«Այսօր ՀՀ Ազգային Ժողովի ամբիոնից, որն, ի դեպ,ուզենք թե՝ ոչ, երկրի թիվ մեկ քաղաքական ամբիոնն է, քպիկների կողմից այնքան տափակաբանություն, հակա-պետականություն, հակա-հայկականություն, հակա-տրամաբանություն, այնքան ավանակություն եւ ավազակություն հնչեց, որ հարկ չեմ համարում մեկիկ-մեկիկ դրանց անդրադառնալ, արժանի չեն։
Միայն հարկ եմ համարում, որ բոլորս արձանագրենք՝ իշխող խմբակը վեջնականապես հանեց դիմակը, անթաքույց ցուցադրելով իր թուրքական արտադրություն լինելու դրոշմը։
Եթե սրանց դեռ հանդուրժենք, եւ ուշացնենք վիրահատական գործողությունը, ապա, շուտով դրանք դույզն ինչ չեն երկմտի, չեն ամաչի եւ ՀՀ Ազգային Ժողովի ամբիոնից կծածանեն թուրք-ադրբեջանական դրոշները։
Արդեն իսկ առ թուրքը սիրային զեղումների պակաս չկար։
Ուզում եմ հավատալ, որ «Սրբազան պայքարը» չի հապաղի եւ շուտով երկիրը կազատագրվի թրքահպատակ սրանցից․․․
Հ․Գ․ Ի դեպ, բոլոր նրանք, որ այս պայքարի մեջ կփորձեն «դիվիդենտներ» շահել ընդդեմ «նախկինների» խոսելով, ընդդեմ ինձ եւ իմ ընկերների, կդառնան այս պայքարի հերթական «տրոյական ձին»:
Բոլոր նախկինները եւ երեկ, եւ այսօր միայն հայկական են ու պետական, ի տարբերություն սրանց, որ վաղուց արդեն անթաքույց թուրքական են»։