Լուրեր
Ոստիկանությունն իրականում մեղքի իր բաժինն ունի․ Արտակ Զաքարյան
02.05.2024
![](http://www.hhk.am/files/n_pics/28992_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իի էջում գրել է․
«Տեսնես, ի՞նչ են մտածում ոստիկանի համազգեստ հագած ու հայացքները տեսախցիկներից թաքցնող այս հայորդիները:
Արդյոք գիտակցու՞մ են, որ մասնակցում են իրենց հայրենակիցների արյունով պահված կենսական տարածքները՝ մեզ անվերջ ծաղրող և նոր սպանդի պատրաստվող թշնամուն հանձնելու դավաճանությանը:
Եթե չե՛ս ցանկանում արժանապատվությունդ արատավորել, կամ ապօրինի հրաման կատարել՝ մի՞թե դժվար է դիմում գրել ու ծառայությունից դուրս գալ , հանուն հետագա կյանքն արժանապատիվ ապրելու:
Միթե՞ Հայրենիք հանձնելուց հրաժարվելն այդքան բարդ է:
Միթե՞ նրանք չեն գիտակցում, որ շուտով հենց այս նույն ոստիկանների հարազատները, Հայաստանում խոշտանգվելու են հենց այն նույն թուրքերի կողմից, իսկ մեկ այլ հայ ոստիկան, հնարավոր է այլևս չկարողանա, կամ ցանկություն չունենա պաշտպանել Հայրենիքի տարածքն այսօր հանձնած այդ նույն ոստիկանի հարազատին...
Հ.Գ.
Ոստիկանությունն իրականում մեղքի իր բաժինն ունի, բայց միակ և գլխավոր հանցագործը եղել և լինելու է քաղաքական իշխանությունը: Այն պետք է փոխվի ու պատասխանատվության ենթարկվի: Հետագայում, գուցե մի օր էլ Ադրբեջանում իշխանության կբերվի մեկ այլ Նիկոլ, և որոշ ժամանակ հետո ադրբեջանցի զինվորականներն ու ոստիկաններն իրենց ձեռքով մեզ վերադարձնեն Արցախը՝ խրոխտ պատճառաբանելով, որ «բա ի՞նչ անեն՝ տուն են պահում»:
Պայքարը, հավատը և արժանապատվությունը երբեք չպետք է լքի մարդուն, առաջին հերթին՝ ոստիկանին ու զինվորականին»:
![Հնարավոր է սա 5 people նկարն է](https://scontent.fevn6-4.fna.fbcdn.net/v/t39.30808-6/438118213_10231945742210091_58108236242220552_n.jpg?_nc_cat=111&_nc_cb=99be929b-713f6db7&ccb=1-7&_nc_sid=5f2048&_nc_ohc=UfDiFHd-FOoQ7kNvgFP96I9&_nc_ht=scontent.fevn6-4.fna&cb_e2o_trans=q&oh=00_AfDTR7DmKDfI2X1LdYFuNcBHJQmfAul5XVNpmC6Ixv82Ag&oe=66394AD0)