Հայաստանի Հանրապետական կուսակցություն

 

«Ինչպես հարիր է նիկոլին իշխանության բերած սորոսականին 

 

Երեկ հերթական անգամ ապացուցվեց, որ որոշ մարդկանց համար իրենց չբավարարված ամբիցիաներն ավելի կարևոր են, քան նիկոլի ռեժիմի իշխանազրկումը: Քաղաքական հայտնի շրջանակների կոյուղիներից նորից պատվերով աղմուկ էր բարձրացել և գլխավոր դերում կրկին նույն երիտասարդն էր: Գռզոյի շենքում տաքուկ ապաստան գտած Բորիսը նոր պատվեր էր ստացել, այս անգամ պատվիրատուն` նիկոլի իշխանության գալու համար միտինգներ արած, հրապարակներում երջանիկ նկարներ ունեցող նախկին թղթատարն անձամբ էր գրել սեփական ադեպտի ելույթի տեքստը: 

 

Երեկվա պատվերով համերգի բովանդակությանն անդրադառնալը անիմաստ է, քանի որ այդ ամենի առանցքում սուտն ու կեղծիքն էր ինչպես հարիր է պատվիրատուների քաղաքական ճաշակին: Բորիսը երեկ ապացուցեց, որ քաղաքական դաշտի մի տեսանելի հատվածի համար իշխանատենչությունը ապրելակերպ է, իսկ ՀՀԿ-ի ու նախագահ Սերժ Սարգսյանի վրա ցեխ շպրտելը` երիտասարդ տարիքում չհաղթահարված բարդույթների ցուցադրություն: 

Երեկվա տեսանյութում Բորիսի` բացահայտ սուտ խոսելու, եղած իրողությունները սեփական մտահորիզոնով մեկնաբանելու և հայհոյանքից նեղված դանիելիոաննիսյանի կեցվածքը մի բանի համար էր, որպեսզի քողարկի իր անմիջական առաջնորդի և վերջինիս վերադաս հրամանատարության համար հնչեցված անհարմար հարցերին պատասխանելու անհրաժեշտությունը: 

Երեկվա տեսանյութի պատվիրատուները նույն մարդիկ են ովքեր մինչև 2018-ը Սերժ Սարգսյանի իշխանությանը վնասում էին ամեն տեսակի թույլատրելի և անթույլատրելի միջոցներով, նրանք են ում շնորհիվ նիկոլը եկավ իշխանության և նրանք են, որոնց շնորհիվ նիկոլը դեռ մնում է իշխանության: 

Ի դեպ, Բորիսի անմիջական հրամանատարի անցած արկածների ծաղկեփունջն ամբողջացնելու համար ցանկանում եմ ավելացնել, որ բացի մի քանի օր առաջ հրապարակված փաստերը վերջինս նաև նախկին սորոսական է: Այսինքն Թևանյան Անդրանիկը ոչ միայն Սյամոյի թղթատարն է, ոչ միայն նիկոլ փաշինյանի հեղափոխության փողոցային մարտիկը, այլ դանիելիոաննիսյանների և ստյոպասաֆարյանների հոգևոր եղբայրը` Սորոսի լարիսից գրանտ ստացած «ընդդիմադիր»:

 

Հ.Գ. 1

Երեկվա տեսանյութում թերևս մի հատված կա, որ պարզաբանման կարիք ունի և վերաբերում է անձամբ ինձ. Բորիսը երեկ անընդհատ բողոքում էր հայհոյանքից և խոսում էր «քաղաքականության մեջ հայհոյանքի բացառման» մասին: Բորիսը շատ լավ գիտի, որ հայհոյանքը, որին ինքն արժանացել է որևէ կապ չունի քաղաքականության հետ և ոչ քաղաքական լեզվով ասած` էդ քֆուրի պատասխանը տված ա: Բորիսին խորհուրդ եմ տալիս հետագա հայհոյանքներից խուսափելու համար իրեն տված պատվերները կատարել քաղաքական դաշտում և հրաժարվել անձնական դաշտի պատվերներից` անկախ դրանց դիմաց տրվող վճարի չափից: 

 

Հ.Գ.2 

Խուսափելով սորոսական անդրանիկի պատկանելիության շուրջ ծագող հետագա հարցերից գրառմանը կից հրապարակում եմ Սորոսական փողերով «լրագրությամբ» զբաղվողի ստացած գրանտի մասին հավաստող սքրինշոթը:

 

Հ.Գ. 3

Նաև ասեմ, իմացիր, ու այլևս մի ստիր, դա լրագրողին հարիր չէ: ՀՀ 3-րդ նախագահ Սերժ Սարգսյանը երբեք ինձ պատվոգիր չի տվել։ Սա շեշտում եմ, մատնանշելու համար Բորիս Մուրազի երեկվա ստերից մեկը։ Բորիս Մուրազին միշտ պատասխան է ստացել իր ստերի ու կեղծիքի համար, և դա երբեք չի եղել անձնական վիրավորանք»: