Լուրեր
Չի կարող միասնություն լինել հայրենիք պահողի ու հայրենիք հանձնողի միջեւ․ Շարմազանով
30.12.2023
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրել է․
«Չի կարող միասնություն լինել հայրենիք պահողի ու հայրենիք հանձնողի միջեւ։
Ամանորի նախաշեմին շատերն են խոսում միասնության մասին։
Միասնությունը փառահեղ երեւույթ է,երբ ծառայում է մարդկությանը,ազգի ու պետության շահերին։
Բայց ի՞նչ միասնություն կարող է լինել հերոս Վահրամ Պահլավունու ու դավաճան Վեստ Սարգսի,ազգի նվիրյալ Վասակ Մամիկոնյանի ու «30 արծաթի» մեռած Մերուժան Արծրունու,անձնազոհ Արամ Մանուկյանի ու հայասպան Ավիս Նուրիջանյանի միջեւ։
Չի կարող միասնություն լինել նաեւ հայրենիք ազատագրողի ու հայրենիք հանձնողի, Նժդեհին մեծություն համարողի ու նրան «ֆաշիստ» համարողների միջեւ։
Արցախ ացատագրողն ինչպե՞ս Արցախ հանձնողի հետ միավորվի։
Գժվե՞լ եք ,լրիվ։
Դրանք ամանորյա «կտեր» են։
Պետություն քանդողների, Արցախ հանձնողների ու Արարատից հրաժարվողների հետ ես միավորվելու բան չունեմ։
Թշնամանք ու ատելություն չեմ քարոզում,բայց ինձ ազատեք ձեր «քաղքենիական միասնությունից»,դուք վաղուց միավորված եք թրքահպատակ եւ հակահայկական արժեքներ դավանողների հետ։
Դավաճաններից ոչ պակաս վտանգավոր է նաեւ քաղաքական տգիտությունը։
Հ.Գ. Իմ հոգին զույգ հենարաններ ունի՝ Աստված եւ Հայրենիք։
Գարեգին Նժդեհ»։