Հայաստանի Հանրապետական կուսակցություն

 

Մինչ հարցս կհնչեցնեմ,  տեղյակ պահեմ հետեւյալը՝ «Պատիվ ունեմ» խմբակցության ղեկավար Հայկ Մամիջանյանը իր էջում գրառում է կատարել այն մասին, որ քննչական կոմիտեից ստացել է հարցաքննության կանչվելու մասին ծանուցագիր` ՀՀ քրեական օրենսգրքի 330-րդ հոդվածի (բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը, ինչպես նաև այդ նպատակով նյութեր կամ առարկաներ տարածելը) 1-ին մասի հատկանիշներով նախաձեռնված քրեական վարույթով:

 

Վարույթի նախաձեռնման հիմքում դրվել է սույն թվականի սեպտեմբերի 12-ին Ազգային Ժողովում Հայկ Մամիջանյանի  ճեպազրույցի և ելույթի ժամանակ արտահայտած խոսքերը:

 

Այն, որ  ոչ զարմանում եմ, ոչ էլ անակնկալ էր, պարզ է, պարզ է նաեւ, որ սպասվում են երեւի էս կարգի լիքը ծանուցագրեր , որ կուղարկվեն տարբեր  ընդդիմադիր գործիչներին եւ այլախոհներին/1937 թիվը մի պատի տակ հեկեկում է/։ 

Ավտորաիտարիզմը  էս կարգի բաների համար մոմ է։ 

 

Հարցս  զարմանքի մասին չէ․պարզապես հետաքրքիր է՝ քննչականը նստած կարդում կամ՝ լսում  է բոլորիս գրա՞ծները եւ ելույթները, թե՝  զանգում-հրահանգում են՝ մի  բան գտեք, օրինակ՝ էս ելույթը, էն գրառումը,մի խոսքով՝ ուղղորդում են, թե՝ ո՞վ , դե արդեն  վաղուց պարզ է․․․

 

Լացելու արդարադատություն ունենք, խոսք չկա»։