Լուրեր
Չէինք պատկերացնի, որ կգտնվի գեթ մեկ հայ, որն այսպես կարատավորեր մի ամբողջ ազգի պատիվն ու արժանապատվությունը․ Արտակ Զաքարյան
07.10.2023
![](http://www.hhk.am/files/n_pics/27230_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է․
«2017թ. սեպտեմբերի 2:
Նախորդող երեք օրերին, աշխատանքային այցով անցել էի ՊԲ-ի բոլոր 8 պաշտպանական շրջանների առաջնագծերով: Այցի ավարտին, Արցախի նախագահ, հարգարժան Բակո Սահակյանի և ՊԲ հրամանատար, գեներալ-լեյտենանտ Լևոն Մնացականյանի հետ ամփոփում էինք արդյունքները: Կիսվում էի իմ տպավորություններով, սպայական անձնակազմերի հետ անցկացված խորհրդակցություններում բարձրացված հարցերով ու դրանց հնարավոր լուծումներով: Քննարկում էինք առաջիկա հրատապ անելիքները, նախատեսված ծրագրերն ու նորամուծությունները: Այդ օրը մենք ամրացող ու զարգացող Արցախի մասին էինք խոսում:
Եվ ոչ մեկի մտքով կամ երևակայությամբ անգամ չէր կարող անցնել, որ կարճ ժամանակ հետո, Հայաստանի իշխանությունը զավթած դավադիր խմբակը, կարող էր մեծաթիվ զոհերով այսպիսի անփառունակ ավարտի հասցնել հայ ժողովրդի երեսունամյա ձեռքբերումները: Չէինք պատկերացնի, որ կգտնվի գեթ մեկ հայ, որն այսպես կարատավորեր մի ամբողջ ազգի պատիվն ու արժանապատվությունը:
Աստված օգնական կապիտուլյանտ- հողատուի կողմից հանձնված, թշնամուց գերեվավրած և բանտերում ապօրինի պահվող Արցախի նվիրյալներին»:
![Հնարավոր է սա 3 մարդ and տեքստ, որում ասվում է «The Office of the NKR President V.D.» նկարն է](https://scontent.fevn6-2.fna.fbcdn.net/v/t39.30808-6/387200082_10230892892689511_6161553090017411045_n.jpg?_nc_cat=109&ccb=1-7&_nc_sid=5614bc&_nc_ohc=0g0xPb1Y9RoAX-SJIMJ&_nc_ht=scontent.fevn6-2.fna&cb_e2o_trans=q&oh=00_AfBuAUPdx1jY2cSUuQ8vEbrd7Vmpz3-NqMDNzf26whOYpw&oe=6525576E)