Հայաստանի Հանրապետական կուսակցություն

 

 

«Հայաստանում աղետներն այնքան բազմաշերտ են, որ չգիտես այլևս որ մեկը բարձրաձայնել: Չբարձրաձայնել էլ հնարավոր չէ: 

Անտերություն է ոչ միայն անվտանգային,  այլ երկրի կայունությունը խաթարված է նաև առողջապահական բնագավառում: Հիվանդությունը, որն էլիմինացված էր Հայաստանում երկար տարիներ և արդարացիրոեն համարում էինք, որ կարմրուկն այլևս հաղթահարված է, այսօրվա «հմուտ կառավարիչներն» արդեն կարողացել են դեպքերի թիվը հասցնել  408-ի: 

 

Ակնհայտ է, որ այդ ուղղությամբ աշխատանքները այդքան էլ գայթակղիչ չեն նախարարության համար: Շարեւնակում է կարևորվել  աղը, սեղանին դրած մոխրամանը կամ մրցույթներն ու պետպատվերի բաշխման գլուխկոտրուկները: 

Այսօր մեր հասարակության առողջապահության պատասխանատուների պատճառով, նրանց կողմից  վերահսկողության բացակայության կամ ոչ պատշաճ վերահսկողության հետևանքով չլուծված խնդիրներին գումարվում են  շղթայական նոր պրոբլեմներ առանց այդ էլ պարալիզացված առողջապահական համակարգի համար:  Առկա 408 հիվանդի փաստն անկհայտորեն ուղեկցվելու է թվի մեծացմամ և  այլ հիվանդությունների ակտիվացմամբ: Սակայն, այս պարագայում ևս նախարարությունը կանգնած կմնա նույն թնջուկի առաջ, թե ինչպես բաշխել պետպատվերները: 

 

Հ.Գ. Հիշեցնում եմ, որ դեռևս մարտին ահազանգում էի` կարմրուկով վարակված 50 քաղաքացու մասին»: