Հայաստանի Հանրապետական կուսակցություն

ՀՀԿ խորհրդի անդամ Շիրազ Խաչատրյանը ֆեյսբուքյան իր էջում գրել է․

 

«Չորս տարի անկողնում գամված ու անգիտակից մնալուց հետո մահացել է 2019 թվականին Եղեգնաձոր քաղաքում բռնության ենթարկված փոխգնդապետ Արա Մխիթարյանը։

 

Վերջինս դաժան ծեծի էր ենթարկվել 2019 թվականի սեպտեմբերի 18-ին  ու  կոմայի մեջ էր գտնվում մինչև այսօր։

Հարազատների պնդմամբ՝ փոխգնդապետի նկատմամբ կիրառված բռնությանն անմիջականորեն մասնակցություն է ունեցել նաև  ՔՊ կուսակցության վարչության աշխատակազմի ղեկավար, ԱԺ պատգամավոր Տրդատ  Սարգսյանը, ում հաջողվել է ազատվել քրեական պատասխանատվությունից, և գործով կալանավորված է նրա այն ժամանակվա  օգնականը։

 

Արդյոք հիշու՞մ են  մարդիկ այդ դեպքը, արդյոք հասկանու՞մ են, որ երկրում  անպատժելիության մթնոլորտը սրանց օրոք հասել է գագաթնակետին` քաղաքացու վրա թքելուց սկսած, նմանատիպ  դաժան սպանություններով վերջացրած, այն էլ պետական կարևոր պաշտոնյաների  անմիջական մասնակցությամբ։ Սա է երկրի ու պետության իրական վարկը, թե չէ` մենակ  ժողովրդավարություն, դեմոկրատիա, բաստիոն ու նմանատիպ խու*նաներ երգելով ու մեծ մեծ խոսելով  չի...սա է ձեր իրական դեմքը․․․»։