Լուրեր
Նիկոլը դիտավորյալ, շինծու մեղադրանքով կալանավորեց Արմեն Աշոտյանին, որ Արցախի բանակցային գործընթացի, նոր դավաճանական ծրագրերի վերաբերյալ ստերը ջրի երես հանող չլինի
21.06.2023
![](http://www.hhk.am/files/n_pics/26169_s.jpg)
ՀՀԿ ԵԿ ղեկավար Հեդնրիխ Դանիելյանը ֆեյսբուքյան իր էջում գրել է․
«Ի պատասխան նիկոլահպատակ Վահագն Ալեքսանյանի հերթական բարբաջանքի
Վահագն Ալեքսանյանը խոսում է հայրենավաճառությունից, դրա մեջ մեղադրում նախկիններին` մոռանալով կամ գուցե չընդունելով, որ իր ղեկավարը 2020 թվականին առանց երկմտելու հանձնեց Արցախի 75%-ը` վերացնելով մի ողջ սերունդ։
Նիկոլը դիտավորյալ ձեռք էր բերել անպիտան զենքեր, որպեսզի զինվորները չկարողանան հաղթել թշնամուն: Նիկոլն անձամբ խոստովանել է, որ ձեռք են բերել «ՍՈւ-30 ՍՄ» ինքնաթիռներ առանց հրթիռների:
Ձեր իշխանության կողմից ձեռք բերված անպետք զինտեխնիկան դարձավ Արցախի 75%-ը կորցնելու պատճառ, դարձավ ՀՀ սուվերեն տարածքներն Ադրբեջանի կողմից օկուպացնելու պատճառ:
Նիկոլը դիտավորյալ ոչնչացրեց հայոց բանակը, դիտավորյալ, շինծու մեղադրանքով կալանավորեց Արմեն Աշոտյանին, որ Արցախի բանակցային գործընթացի, նոր դավաճանական ծրագրերի վերաբերյալ ստերը ջրի երես հանող չլինի:
Նիկոլը ձեր օգնությամբ ոչնչացրեց մեր հայրենիքի անվտանգությունը, փոխարենը տասնապատկելով իր անվտանգությունը:
Հայրենավաճառությունը Նիկոլի սիրած զբաղմունքն է և դա անհերքելի փաստ է»: