Լուրեր
Մենք պարտավոր ենք մեր «ոչ»-ը ասել Արցախի ադրբեջանացմանը․ Շարմազանով
30.05.2023
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրել է․
« «Ոչ Արցախի էթնիկ զտմանը»
«Ոչ Արցախն Ադրբեջանի կազմում»
ստորագրահավաքին կարող եք միանալ Երեւանում՝ «Մոսկվա» կինոթատրոնի հարեւանությամբ, Կասկադի շրջակայքում եւ մետրոյի «Երիտասարդական» կայարանի մոտակայքում։
Երեւանում ստորագրահավաքը մեկնարկել է շաբաթներ առաջ։
Բազմահազար, հազարավոր եւ նույնիսկ հարյուր հազարից ավել քաղաքացիներ արդեն միացել են ստորագրահավաքին միայն մայրաքաղաքում։
Արարատ եւ Մասիս քաղաքներում ստորագրահավաքն արդեն մեկնարկել է։
Հունիսի 1-ից՝ բոլոր մարզային քաղաքներում ստորագրահավաքը կմեկնարկի։
Սա ոչ քաղաքական եւ ոչ էլ առավել եւս կուսակցական հարց է։
Սա ազգային գոյաբանական հարց է։
Մենք պարտավոր ենք մեր «ոչ»-ը ասել Արցախի ադրբեջանացմանը։
Արցախը չպետք է լինի Ադրբեջանի կազմում։
Աստծով»։