Հայաստանի Հանրապետական կուսակցություն

ՀՀԿ ԵԿ ղեկավար Հենրիխ Դանիելյանը ֆեյսբուքյան իր էջում գրել է․

 

 «Այն մասին, թե ինչպես է Նիկոլն օգտագործում և դեն շպրտում իրեն հավատարիմ մարդկանց:

 

Սա վերաբերում է Նիկոլին հավատարիմ անձ, ինքնուրույն որոշումներ կայացնող Արմեն Դանիելյանին, ով հայտնի է ապօրինի ձերբակալություններով:

Բանն այն է, որ Արմենը գիտեր, թե ինքը Նիկոլի ֆավորիտներից է, և հավերժ մնալու է իր պաշտոնին, բայց ահա այսօր ապացուցվեց հակառակը:

Վճռաբեկ դատարանի դատավոր Արմեն Դանիելյանն առաջադրված չէ, որպես Վերաքննիչ դատարանի քաղաքացիական պալատի դատավորի թեկնածու:

Հենց Արմեն Դանիելյանն է կայացրել Արցախի հերոսներին ձերբակալելու, ընդդիմադիր քաղաքական գործիչներին ձերբակալելու որոշումները:

Փաստացի, Նիկոլ Փաշինյանն Արմեն Դանիելյանի ձեռքով ուզում էր «ազատվել» ընդդիմադիրներից:

 

Նիկոլի կամակատարը, փաստորեն նրան այլևս հարկավոր չէ:

Հետագայում, հնարավոր է, որ Նիկոլը հայտարարի, որ Արմեն Դանիելյանը իր գործից բան չէր հասկանում. կգա այն օրը, երբ նա նույնը կասի ոստիկաններին և բոլոր նրանց, ովքեր ինչ-որ ժամանակ կատարել են իր հրամանները:

Վաղ թե ուշ Նիկոլը բոլորին զոհելու է, բոլորին նույն ճանապարհով է ճանապարհելու, իր բոլոր մեղքերը գցելու է այլոց վրա, որ փորձի մաքուր դուրս գալ ամեն ինչից:

Արմեն Դանիելյանի օրինակը թող բոլորի համար դաս լինի»: