Լուրեր
Թուրքը Շուշին չի գրավել, թուրքին Շուշին հանձնվել է․ Արտակ Զաքարյան
09.05.2023
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է․
«Մելիք-Շահնազար 2-րդը հայոց պատմության մեջ մնաց իբրև դավաճան: Ձգտելով իշխանության ու փառքի` նա հարձակվում է Վարանդայի Մելիք-Հովսեփի տան վրա և դավադրությամբ խլում նրա օրինական իշխանությունը` դառնալով Վարանդայի տերն ու տիրակալը: Սպանության ու իշխանազավթման համար Արցախի մնացած մելիքները փորձում են պատժել Մելիք-Շահնազար 2-րդին: Վերջինս դիմում է Փանահ խանի օգնությանը, նրան հավատարմության երդում է տալիս և նրա աջակցությամբ ազատվում մելիքների պատժից։ Ապա իր աղջկան՝ Հուրզադ խանումին, կնության է տալիս Փանահի որդի Իբրահիմ խանին, նրանց նվիրում Արցախի անառիկ բերդաքաղաք Շուշին։
Այսպես անեծք իջավ Մելիք-Շահնազարյանների տոհմի վրա, անիծվեց նաև հայոց բերդավանը:
Այս պատմությունը կրկնվեց Նիկոլի տեսքով: Կյանքը հուշիկ-հուշիկ մատնացույց է անում Նիկոլի բոլոր դսվադրությունները, որոնցից ամենասարսափելին Շուշին կրիկին թուրքին հանձնելն էր:
Թուրքը Շուշին չի գրավել, թուրքին Շուշին հանձնվել է 21-րդ դարում Հայաստանի իշխանությունը զավթած նոր Մելիք-Շահնազարի (Նիկոլի) անմիջական դերակատարմամբ և նախագծով:
Այս մասին պատմությունը դեռ շատ երկար է գրելու»: