Հայաստանի Հանրապետական կուսակցություն

 

«Առաջինը բուն առաջնագիծն է, որտեղով տեղի է ունեցել ադրբեջանցի զինծառայողների հատումը: Նրանց թիվը տարբեր աղբյուրներով տարբեր են: Ինքս հստակ թիվը չգիտեմ, բայց նվազագույնը երկու ադրբեջանցի զինծառայողի անցման մասին է խոսվում: Երկրորդը, այն բնակավայրերը, որտեղ նրանց տեսել են բնակիչները եւ որտեղ տեղի է ունեցել ձերբակալումը, ցույց է տալիս, որ այդ բնակավայրերը առաջնագծից ուղիղ գծով 15-16 մինչեւ 20 կմ խորության վրա են: Այսինքն ադրբեջանցի զինծառայողները, եթե հաշվի առնենք, որ ճանապարհներով են եկել, դա կարող է այլ ուղղություններով ավելին լինել, քան 20 կմ-ն է: Այսինքն նաեւ ներքին անվտանգային համակարգը չի գործել: Որեւէ տեղում ֆիքսում չի եղել: Պատկերացրեք իրավիճակ, որ ադրբեջանցի զինծառայողները ոչ թե թակեին հայ բնակչի տան դուռը, այլ պարզապես հարձակման դիմեին կամ այլ գործողություն իրականացնեին»,-ասաց նա:

 

Տիգրան Աբրահամյանի խոսքով, մտահոգություն է առաջացնում նաեւ այն հանգամանքը, որ այդ դերում կարող էին լինել  ոչ թե ադրբեջանցիներ, որոնց նպատակները դեռեւս պարզ չեն, այլ լինեին օրինակ, հատուկ նշանակության դիվերսիոն խմբեր, որոնք ունենային կոնկրետ ահաբեկչություն իրականացնելու գործառույթ. «Մենք այս պահին չգիտենք տվյալ զինծառայողներն ինչ խնդիր են ունեցել, բայց համենայնդեպս, սա խոսում է այն մասին, որ անվտանգային համակարգը, որի մասին անընդհատ շեփորահարում է իշխանությունը, որեւէ ձեւով եւ որեւէ մակարդակում չի գործել»,-ընդգծեց ընդդիմադիր պատգամավորը:

 

Հիշեցնենք, որ Պաշտպանության նախարարության հաղորդագրության համաձայն՝ ապրիլի 10-ին՝ ժամը 01:00-02:00-ն ընկած ժամանակահատվածում, ՀՀ տարածքում հայտնաբերվել և ձերբակալվել է Ադրբեջանի ԶՈՒ զինծառայող:

 

Նրա հետ եղել է եւս մեկ զինծառայող, որին որոնելու աշխատանքները դեռ շարունակվում են։

 

Ադրբեջանական լրատվամիջոցները, վկայակոչելով այդ երկրի ՊՆ-ին, հայտնել են երկու ադրբեջանցի զինծառայողներ անհետ կորելու մասին։ Նշվում է, որ նրանք մոլորվել են Նախիջևանի ուղղությամբ անբարենպաստ եղանակի պատճառով սահմանափակ տեսանելիության պայմաններում։