Լուրեր
Գեներալ Խաչատուրովը մեծ հեղինակություն է, հաղթող հրամանատար և սա իշխանությանը պետք է որ մտածելու առիթ տա. Տիգրան Աբրահամյան
21.02.2023
![](http://www.hhk.am/files/n_pics/24949_s.jpg)
ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրել է.
«Գրիգորի Խաչատուրովին կալանավորելու միջնորդությունը դատարանը մերժեց, բայց դա դեռ չի նշանակում, որ հետագա իրավական գործընթացը կգնա տրամաբանական և արդարացի հունով:
Դեռ պետք է հասկանալ, թե ինչ նպատակ էր իր առաջ դրել իշխանությունը, որովհետև բոլորը գիտեն, որ երբ իշխանությունն ուզում է ինչ-որ մեկին կալանավորել, ապա դրա ճանապարհները գտնում է` ճիշտ պահին, ճիշտ տեղում «հարմար» դատավորներ են հայտնվում և քաղաքական որոշումը տեղում կյանքի են կոչում:
Դժվար է ասել, թե իշխանության այս քայլը զուտ զգուշացում է՞ր, թե՞ ինչ-որ բան այնպես չգնաց և իշխանությունն իր նպատակին չհասավ:
Կարճ ժամանակ հետո բոլոր հարցերի պատասխանը կլինի:
Համենայն դեպս գեներալ Խաչատուրովը մեծ հեղինակություն է, հաղթող հրամանատար և սա իշխանությանը պետք է որ մտածելու առիթ տա»: