Լուրեր
Արցախյան շարժման մեկնարկից 35 տարի հետո, ամեն բան պետք է սկսել նորից. Արտակ Զաքարյան
20.02.2023
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է.
«Թե ինչպես մեկ մարդը կարող է մսխել մի ողջ ժողովրդի 30 ամյա արյուն-քրտինքը, հույսերն ու հավատը, պայքարն ու հաղթանակները: Նորից ապացուցվեց, որ ժողովուրդ և պետություն ծնկի բերելու համար մեկ մարդը լիովին բավարար է: Դժվարությունն այն է, որ այդ մեկ մարդուն պետք է ամեն գնով դարձնել տվյալ պետության ու ժողովրդի ղեկավար:
Իսկ թե ինչպե՞ս դա անել` լավագույնս նկարագրել է Ուինստոն Չերչիլը ...
Հ.Գ.
Արցախյան շարժման մեկնարկից 35 տարի հետո, ամեն բան պետք է սկսել նորից, այլապես Հայաստանը թերթելու է իր պատմության վերջին էջը: Եղածը պահել, զարգանալ, ամրանալ ու սպասել պատեհ պահի: Աշխարհում անհնարին ոչինչ չկա, շատ մեծ ցանկություն, նպատակի շուրջ համախմբում և ձգտում է հարկավոր»:
