Հայաստանի Հանրապետական կուսակցություն

 

 

«Թե երեկվա դիպվածով, թե այսօրվա քննարկման գերփակ լինելու հանգամանքը, կարծում եմ, կքննարկենք երկու ընդդիմադիր խմբակցություններով և կտեղեկացնենք ուղիղ Եվրոպայի խորհրդին։ Չեմ կարծում, որ բացի ծիծաղից ու զարմանքից՝ այլ էմոցիա կարող է առաջանալ Եվրոպական խորհրդի կենտրոնական գրասենյակում, երբ ստանան նամակ, որը վերնագրված է, որ ընդդիմադիր պատգամավորները չեն հրավիրվել, և արգելվել է մասնակցությունը դատական ռեֆորմների վերաբերյալ քննարկմանը։ Սա մոտավորապես նույնն է, ինչ մի քանի շաբաթ առաջ»,- նշեց Հայկ Մամիջանյանը։

 

Ընդդիմադիր պատգամավորի խոսքով՝ խորհրդարանական գործունեության շրջանակներում ԵԽ կենտրոնական գրասենյակի աշխատակիցների հետ հնարավոր հանդիպումների ընթացքում անպայման կտեղեկացնեն եղելությունը: Թվ թող տարբեր կալիբրի լոկալ իշխանիկներին չթվա, որ իրենց իշխանությունն անսպառ է։

Նշենք, որ «Մարիոթ» հյուրանոցում մեկնարկել է «Դատական իշխանությունը՝ որպես ժողովրդավարության երաշխավոր» թեմայով բարձր մակարդակի երկօրյա խորհրդաժողովը, որին մասնակցում են ՀՀ դատական իշխանության բարձրաստիճան պաշտոնյաներ, իրավաբաններ, հրավիրվածների թվում են միջազգային կառույցների ներկայացուցիչներ, դեսպաններ, իշխանական պատգամավորներ, հասարակական կազմակերպությունների ներկայացուցիչներ: Հրավիրյալների ցանկում ներառված չեն Դատավորների միության նախագահը, ընդդիմադիր խմբակցությունների պատգամավորները։