Հայաստանի Հանրապետական կուսակցություն

«Հույս կար, որ չեն վախենա SMS-ներից կամ հետագա կոմպրոմատներից, որոնք առկա են», – Ազգային ժողովում լրագրողներին ասաց նա:

 

«Պատիվ ունեմ» խմբակցության քարտուղարի խոսքով՝ նախարարները պետք է շահագրգռված լինեն րոպե առաջ «զատվել այն խունտայից, որը Հայաստանի ու Արցախի ապագան կասկածի տակ է դնում»:

 

«Պետք է գտնել մեզ ու հայտնել, որ իրենք իրենց համաձայնությունն են տալիս մեր հայտարարությանը, մեր գտնվելու վայրը հայտնի է՝ Հայաստան, Ֆրանսիայի հրապարակ՝ հայ ժողովրդի կողքին», – նշեց նա:

 

Հայկ Մամիջանյանն ասում է, թե միջազգային հարաբերություններից քիչ թե շատ տեղյակ մարդը կհասկանար, որ «Արցախը երբեք չի լինելու Ադրբեջանի կազմում» եզրույթը այն կարմիր գիծն է, որն անհրաժեշտ է հայկական բանակցային կողմին, եթե այդպիսին գոյություն ունենար, իրականացնելու հայանպաստ հայկական օրակարգ ու Արցախի ապագան երաշխավորող լուծում:

 

Ընդդմադիր պատգամավորը չի կարծում, որ երբևէ կունենան այնպիսի արձանագրում, որ  Հայաստանում հայ մնալու, Արցախը հայկական պահելու ու հետագայում նաև Հայաստանի գոյության շարժումը  կարող է խաթարվել կամ նվազում արձանագրել:

 

«Ես չեմ ուզում հավատալ, որ մենք նման արձանագրում կանենք: Ես համարում եմ, որ յուրաքանչյուր հայ պիտի խիստ կարևորի այն փաստը, որ աշխարհը տեսնի՝ մենք չենք  համակերպվել այն ամենի հետ, ինչ փորձում են մեր վզին փաթաթել օտարերկրյա շահերը սպասարկող անձինք», – ասաց նա։