Լուրեր
Երեկ իրավապահ մարմինները հանրահավաքի մասնակցությունը ֆիքսել են ավելի քան 16.000 ՀՀ քաղաքացու. Կարեն Ավագյան
06.04.2022
![](http://www.hhk.am/files/n_pics/21898_s.jpg)
ՀՀԿ ԳՄ անդամ Կարեն Ավագյանը ֆեյսբուքյան իր էջում գրել է.
«Երեկ իրավապահ մարմինները հանրահավաքի մասնակցությունը ֆիքսել են ավելի քան 16.000 ՀՀ քաղաքացու:
Այս քաղաքացիներից յուրաքանչյուրն ունի պահանջ ուղղված իր արժանապատվության վերականգնմանը:
Այս քաղաքացիներից յուրաքանչյուրի համար Հայաստանի ու Արցախի պետականությունները ամենաթանկն են:
Այս քաղաքացիներից յուրաքանչյուրը գիտի անառարկելի ճշմարտությունը:
Այս քաղաքացիներն այդ ճշմարտությունն անցկացնելու են մեր պատմության միջով ու նրանք են, որ ուղղելու են այսօրվա կործանարար ընթացքը:
Սրտում ու մտքում Արցախ ունեցող մեր հայրենակիցները երեկ Երևանի սրտում ծածանեցին Արցախի դրոշը:
Երեկ ամեն ինչ ավելի քան հստակ էր: Ի լուր աշխարհի` մեր բարեկամների ու թշնամիների` հայ հանրությունը չի հաշտվելու հայրենիքի վաճառքի ու դավաճանների հետ, թույլ չի տալու ժողովրդի անունից խոսել: Հիշեցնեմ ավելի քան 1.900.000 ՀՀ քաղաքացի սրանց ասել է ոչ»: