Լուրեր
Բզկտված ԱՐՑԱԽ. վերադառնալու´ ենք. Արտակ Զաքարյան
14.03.2022
![](http://www.hhk.am/files/n_pics/21631_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է.
«Բզկտված ԱՐՑԱԽ. վերադառնալու´ ենք:
ԽԾԱԲԵՐԴ, գյուղ Արցախի Հանրապետության Հադրութի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Գյուղը գտնվում է հանրապետության հարավային հատվածում, Հադրութ շրջկենտրոնից` 64 կմ հեռավորության վրա, իսկ մայրաքաղաք Ստեփանակերտից` 137 կմ հեռավորության վրա՝ Քիրս լեռան հարավ-արևմտյան մասում։ Պետրոսաշեն, Սպիտակաշեն, Արփագետիկ և Վաղավեր գյուղերի հետ միասին ընդգրկված է Խծաբերդի համայնքի կազմում։
Համայնքը բարձրլեռնային է, ունի 4897 հա տարածք, որից 1492 հա գյուղատնտեսական նշանակության, 3361 հա անտառային հողեր։ Գյուղի սահմանային գոտով հոսում է Հագարի գետի վտակը։ Համայնքի տարածքում առկա են թվով 7 աղբյուրներ` Խծաբերդ գյուղի տարածքում «Տեղուն», «Պյոտուց», «Քուլանեն», «Չիմանեն», «Խաչուն» և «Կետեն», իսկ Սպիտակաշեն գյուղի տարածքում՝ «Շենին» աղբյուրը։
Համայնքի պատմամշակութային հուշարձաններից են` 16-17-րդ դարի Եղցան ձոր եկեղեցին, 17-19-րդ դարի գերեզմանոց, 16-17-րդ դարերի խաչքար, 19-րդ դարի ջրաղաց, ընդհանուր հաշվառված է 11 հուշարձան։ Խծաբերդի շրջակայքում պահպանվել են Օձաբերդ, Հազարափրկիչ, Անմտեղ պարսպապատ բերդերը՝ քանդված եկեղեցիներով, խաչքարերով (7-13-րդ դարեր), գյուղատեղիներ, գերեզմանատներ, խաչքարներ (9-17-րդ դարեր), Ղալալվի բերդ-քարայրը։
Նշանավոր է Սլկահան սար բնակատեղին՝ «Հազարափրկիչը», ավերված Սուրբ Աստվածածին եկեղեցին (19-րդ դար)։ Հավելենք, որ գյուղամիջում եղել է Սուրբ Աստվածածին եկեղեցին՝ սրբատաշ պատերով, եռանավ դահլիճով, որը չի պահպանվել։ Եկեղեցու հիմքի ու քարերի շնորհիվ 1936 թվականին կառուցվել է գյուղի ակումբը։
Խծաբերդի բնակչության թվաքանակը կազմում էր 120 մարդ, կար 39 տնտեսություն։ Սպիտակաշեն գյուղում բնակվում է 11 մարդ, կար 3 տնտեսություն, իսկ Արփագետիկ գյուղում բնակվում էր 24 մարդ, կար 6 տնտեսություն։ Համայնքում գործում էին գյուղապետարան, մշակույթի տուն, բուժկետ, հիմնական դպրոց, որտեղ սովորում էին 25 աշակերտներ»։
![](https://scontent.fevn6-3.fna.fbcdn.net/v/t39.30808-6/275625591_10227104278976536_8861839116511793810_n.jpg?stp=dst-jpg_s600x600&_nc_cat=107&ccb=1-5&_nc_sid=8bfeb9&_nc_ohc=Odfy6idtEZkAX98KIs2&_nc_oc=AQk_DZ2cKikXWeEiUVSC0nNf4Mu_7e77wNqu4D7Zajuj7MOd4ll0Hco1Is6lhvfqu0w&_nc_ht=scontent.fevn6-3.fna&oh=00_AT-MHjKDDblgNJO6nKtW3OfHHXyi7ZLVMh2LtbzjlfHGBA&oe=62345779)
![](https://scontent.fevn6-3.fna.fbcdn.net/v/t39.30808-6/275554913_10227104280336570_3439610575667462251_n.jpg?stp=dst-jpg_s600x600&_nc_cat=107&ccb=1-5&_nc_sid=8bfeb9&_nc_ohc=YB49Q5JIGaAAX_lgcLT&_nc_ht=scontent.fevn6-3.fna&oh=00_AT_jaF4leowmVoto-QNU_ahEDWZBzth_SQZogSQk6deohA&oe=62346CCF)
![](https://scontent.fevn6-3.fna.fbcdn.net/v/t39.30808-6/275613615_10227104280216567_8578976752697106251_n.jpg?stp=dst-jpg_p417x417&_nc_cat=107&ccb=1-5&_nc_sid=8bfeb9&_nc_ohc=MQXylx8iB10AX_AvBhC&_nc_ht=scontent.fevn6-3.fna&oh=00_AT_NmAs74ermb3dpQO6HAaKihuZ47zO_u0JnkRBP0XDFRA&oe=62334379)
![](https://scontent.fevn6-1.fna.fbcdn.net/v/t39.30808-6/275603920_10227104280896584_6375012155361857255_n.jpg?stp=dst-jpg_s600x600&_nc_cat=104&ccb=1-5&_nc_sid=8bfeb9&_nc_ohc=cFPRPgpMij0AX-Khx0l&_nc_ht=scontent.fevn6-1.fna&oh=00_AT-An8VKZnvHi3bMd8SKUF24BmxbasNVpvIt7T_iPRGOaw&oe=6233266E)
![](https://scontent.fevn6-2.fna.fbcdn.net/v/t39.30808-6/275544944_10227104279016537_2812916724432606689_n.jpg?stp=dst-jpg_s600x600&_nc_cat=101&ccb=1-5&_nc_sid=8bfeb9&_nc_ohc=l4T9Zwys7zwAX-jt3lu&_nc_ht=scontent.fevn6-2.fna&oh=00_AT-88fqzLUp-w_FrJsbVjzi-9pZkA4NKj5bpT8Ra9_C5LA&oe=62346D46)