Լուրեր
Բզկտված ԱՐՑԱԽ. վերադառնալու´ ենք․ Արտակ Զաքարյան
23.02.2022
![](http://www.hhk.am/files/n_pics/21490_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է․
«Բզկտված ԱՐՑԱԽ. վերադառնալու´ ենք:
ԾԱԿՈՒՌԻ, գյուղ Արցախի Հանրապետության Հադրութի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Գյուղը տեղաբաշխված է հանրապետության հարավ-արևելյան մասում։ Այն գտնվում է 13 կմ Հադրութից, իսկ Ստեփանակերտից` 57 կմ հեռավորության վրա։ Հարթավայրային համայնք է, ունի 307 հա տարածք, որից 241 հա գյուղատնտեսական նշանակության, 33 հա անտառային հողեր։ Համայնքի տարածքում են գտնվում «Ակնեն» և «Ներսես» աղբյուրները։ Համայնքում առկա են իսլանդական շպատի հանքային պաշարներ։
Գյուղի ամենակարևոր կրոնական հուշարձանը՝ նախկին վանքային համալիր «Ծաղկավանքն» է՝ կառուցված 12-րդ դարում, որից պահպանվել է միայն «Սուրբ Աստվածածին» եկեղեցին։ Ըստ ամենահին խաչքարի, այն 1198 թ-ից է և տարբերվում է իր կլոր դռնով։ Եկեղեցին Արցախի միջնադարյան ճարտարապետական ու մշակույթի գլուխ֊գործոցն է։
Մյուս պատմական հուշարձանները ներառում են նաև գերեզմանոցը (17-19-րդ դարերից), 19-րդ դարի աղբյուրը, 17-րդ դարի խաչքարը, ինչպես նաև Պտքաթաղ վանքի ավերակները (1623թ.)։ Աստվածածին եկեղեցու մասին շատ տեղեկություններ չեն հասել։
Սարգիս Ջալալյանցը պատմում է որ, մի հետաքրքիր պարմություն է պահպանվել եկեղեցու հարավային պատուհանի կամարաձև բացվածքի մեջ քանդակված օձապատկերի մասին։ Ըստ այդ ավանդազրույցի՝ օձապատկերը քանդակվել է այն պատճառով որ եկեղեցու կառուցման ժամանակ ճարտարապետն անիծում է իր աշակերտին և ասում է՝ օձից խայթվես։ Որոշակի ժամանակ անց աշակերտին օձը խայթում է և նա մահանում է, ճարտարապետը զղջում է իր անեծքի համար և ի հիշատակ այդ դեպքի քանդակել է տալիս օձապատկեր։
Հանձնելուց առաջ գյուղում բնակվում էր 109 մարդ, կար 28 տնտեսություն։ Բնակչությունը հիմնականում զբաղվում է գյուղատնտեսությամբ` անասնապահությամբ և հողագործությամբ։ Գյուղում գործում էին տարրական դպրոց, գյուղապետարան, մշակույթի տուն, բուժկետ»։
![](https://scontent.fevn2-1.fna.fbcdn.net/v/t39.30808-6/274266186_10227002576434036_593828787413906556_n.jpg?stp=dst-jpg_s600x600&_nc_cat=101&ccb=1-5&_nc_sid=8bfeb9&_nc_ohc=CQkHaVl6lbgAX9yD2DY&_nc_ht=scontent.fevn2-1.fna&oh=00_AT8Pfhw3DXxIlN5Q7_oIoRMqI1hE9ZAd8WzQCm0UnI-Bmg&oe=621A42A1)
![](https://scontent.fevn2-1.fna.fbcdn.net/v/t39.30808-6/s851x315/274112405_10227002581674167_4075293951425360714_n.jpg?_nc_cat=106&ccb=1-5&_nc_sid=8bfeb9&_nc_ohc=Dte4M8IUXy8AX8FI3os&_nc_ht=scontent.fevn2-1.fna&oh=00_AT-79dSHlHBFox_5vGiomaE3uQCZa5s1KchyuzmZpHD5Mw&oe=621A2F52)
![](https://scontent.fevn2-1.fna.fbcdn.net/v/t39.30808-6/274476436_10227002580314133_6533799171088693168_n.jpg?stp=dst-jpg_s600x600&_nc_cat=100&ccb=1-5&_nc_sid=8bfeb9&_nc_ohc=xVvXRvVaGYEAX_8EyPW&_nc_ht=scontent.fevn2-1.fna&oh=00_AT9cdQaJFtYfQVvLAVO7o5s14MFGLLDSSYyxY7BaQLxQEQ&oe=621A7337)
![](https://scontent.fevn2-1.fna.fbcdn.net/v/t39.30808-6/274317794_10227002581474162_1063052293491798017_n.jpg?stp=dst-jpg_s600x600&_nc_cat=105&ccb=1-5&_nc_sid=8bfeb9&_nc_ohc=3z93OQ-fBOYAX9CHsMb&_nc_ht=scontent.fevn2-1.fna&oh=00_AT-jnccaRw2LAsI6TxcUV0PKdP64K9neOFxEk7CHVdKJ4w&oe=621A397D)
![](https://scontent.fevn2-1.fna.fbcdn.net/v/t39.30808-6/274514753_10227002578554089_1972769506557281910_n.jpg?stp=dst-jpg_s600x600&_nc_cat=108&ccb=1-5&_nc_sid=8bfeb9&_nc_ohc=jppM2bJO1K0AX9Q-j4x&_nc_ht=scontent.fevn2-1.fna&oh=00_AT8ZonGVZsC3frUL37t2uslj8BiNCQ6gy3JWEAiLOdZlgQ&oe=621AA31D)