Լուրեր
Բզկտված ԱՐՑԱԽ. վերադառնալու´ ենք. Արտակ Զաքարյան
22.02.2022
![](http://www.hhk.am/files/n_pics/21477_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր քջում գրել է.
«Բզկտված ԱՐՑԱԽ. վերադառնալու´ ենք:
ԽԱՆՁԱՁՈՐ, գյուղ Արցախի Հանրապետության Հադրութի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Գտնվում է հանրապետության հարավային հատվածում, Հադրութ շրջկենտրոնից՝ 52 կմ հեռավորության վրա, իսկ մայրաքաղաք Ստեփանակերտից` 124 կմ հեռավորության վրա։ Խանձաձոր համայնքի կազմի մեջ ընդգրկված է նաև Հայկավան գյուղը։ Ներկայիս գյուղը վերահիմնվել է նախկին գյուղի հարևանությամբ, քանի որ Արցախյան առաջին պատերազմի ժամանակ գյուղն ամբողջովին ավերվել է։ «Օղակ» գործողության ժամանակ գյուղի բնակչությունը ամբողջապես տեղահանման է ենթարկվել։
Համայնքը լեռնային է, ունի 3751 հա տարածք, որից 983 հա գյուղատնտեսական նշանակության, 2725 հա անտառային հողեր։ Համայնքի սահմանային գոտով հոսում է Չախմախ գետը։ Համայնքի տարածքում են գտնվում «Արզուման», «Հորդ», «Քար», «Ակնեն», «Համբարձումեն», «Տանձուտեն», «Շրոտտանեն», «Թթոտեն», «Կիզապատեն», «Ցուլ» և «Սնախի» աղբյուրները։
Գյուղը հիմնված է Ծամձոր գյուղի արևմտյան մասում, բնակչությունը հիմնականում գաղթել է Ղարադաղից։ Համայնքի պատմամշակութային հուշարձաններն են` Սբ. Աստվածածին եկեղեցի (1698 թ.), Կատարովանք եկեղեցի (17-րդ դ.), գերեզմանոց (18-19-րդ դդ.), խաչքար (17-րդ դ.), 9-13-րդ դարերի Դիզափայտի ամրոցը, համայնքի տարածքում ընդհանուր հաշվառված է 11 հուշարձան։
Խանձաձորի բնակչության թվաքանակը կազմում էր 122 մարդ, գյուղում կար 33 տնտեսություն, իսկ Հայկավանում բնակվում էր 70 մարդ, կար 15 տնտեսություն։ Բնակչությունը հիմնականում զբաղվում էր գյուղատնտեսությամբ` անասնապահությամբ և հողագործությամբ։ Անասնապահությունից բացի, գյուղացիների մեծ մասը զբաղվում էր մեղվաբուծությամբ։
Գյուղում գործում էին գյուղապետարան, մշակույթի տուն, բուժկետ, հիմնական դպրոց, որտեղ սովորում էին 30 աշակերտներ, իսկ Հայկավանում գործում էր հիմնական դպրոց` 15 աշակերտներով և 4 ուսուցիչներով»։
![](https://scontent.fevn6-2.fna.fbcdn.net/v/t39.30808-6/s600x600/274045836_10226996210594894_9146500082239671325_n.jpg?_nc_cat=101&ccb=1-5&_nc_sid=8bfeb9&_nc_ohc=umlNfUKaj8IAX-01uIm&_nc_ht=scontent.fevn6-2.fna&oh=00_AT_b_yuM70h6OTA180eaTu1GdePnf3dfo4RQzkyeriyXeQ&oe=6219E3AD)
![](https://scontent.fevn6-1.fna.fbcdn.net/v/t39.30808-6/274235083_10226996210434890_6249783759304575601_n.jpg?_nc_cat=103&ccb=1-5&_nc_sid=8bfeb9&_nc_ohc=EPoFX1P9a_YAX9i_XA1&_nc_ht=scontent.fevn6-1.fna&oh=00_AT8DFhrTR04QQhTxVn_0WPLY_d2_LOZZeer-0ToL60fypw&oe=62198876)
![](https://scontent.fevn6-3.fna.fbcdn.net/v/t39.30808-6/274231632_10226996213154958_712605995764809038_n.jpg?stp=dst-jpg_p320x320&_nc_cat=107&ccb=1-5&_nc_sid=8bfeb9&_nc_ohc=ekC5x0xnaMoAX9mK-Wd&_nc_ht=scontent.fevn6-3.fna&oh=00_AT-heXWZzErePAX5odD5-Vm2RHl31kDaYdxgKHdZQfQ8Eg&oe=62197F4A)
![](https://scontent.fevn6-3.fna.fbcdn.net/v/t39.30808-6/s600x600/274393372_10226996211354913_3225769856069741617_n.jpg?_nc_cat=107&ccb=1-5&_nc_sid=8bfeb9&_nc_ohc=y-vnKM7wTSwAX9ZJJ_s&_nc_ht=scontent.fevn6-3.fna&oh=00_AT-bXsQyNquhIVQlWN7pP7bZI8zz8KgZBoFIJXwUT_VSPA&oe=62192F87)
![](https://scontent.fevn6-3.fna.fbcdn.net/v/t39.30808-6/s600x600/274299893_10226996213034955_8218074622639758675_n.jpg?_nc_cat=108&ccb=1-5&_nc_sid=8bfeb9&_nc_ohc=lJWn1wN57RIAX9EuRlU&_nc_ht=scontent.fevn6-3.fna&oh=00_AT94yrqpan4QWozKCH9vO7Oq1krX95thEcDXWPKHaGLVVA&oe=62199BDD)