Լուրեր
Բզկտված ԱՐՑԱԽ. վերադառնալու´ ենք․ Արտակ Զաքարյան
21.02.2022
![](http://www.hhk.am/files/n_pics/21469_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է․
«Բզկտված ԱՐՑԱԽ. վերադառնալու´ ենք:
ԹԱՂՈՏ, գյուղ Արցախի Հանրապետության Հադրութի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Գտնվում է Հադրութից 11 կմ դեպի հյուսիս-արևմուտք, Ստեփանակերտից 62 կմ հեռավորության վրա։ Գյուղի դիրքը գեղատեսիլ է, շրջապատված է այգիներով, բարձրությունը ծովի մակերևույթից 800 մետր է, կլիման, օդը և ջուրը շատ բարենպաստ է։
Համայնքի սահամանային գոտով հոսում է Իշխանագետի վտակը։
Գյուղի շրջակայքը հարուստ է թեղու ծառատեսակով։ Անվանումն առաջացել է «թեղուտ» բառից, որը ձևափոխվել և կոչվել Թաղոտ։
Գյուղի պատմությունն սկսվում է 12-րդ դարի սկզբներից, Հադրութի շրջանի պատմական գյուղերից է, ըստ գյուղի բնակիչների` այստեղ բնակավայր է եղել դեռ 9-րդ դարից։ Նախկինում անվանվել է Թաղուտ, իսկ հետո՝ Թաղոտ։ Գտնվում է Ղարաբաղի լեռնաշղթայի Իշխանասարի արեւելյան Տումի լեռնաճյուղերի արեւելահայաց լանջերի հարթավայրային մասում, Տումի գետակի աջ գետահովտի բարձրության վրա, Տող գյուղից հարավ, Մոխրենիսի ձորից հոսող առվի աջ կողմի բարձրության վրա:
Երեք կողմից շրջապատված է անտառապատ լեռներով, «Ճռանա խութ» լեռան հյուսիսարեւմտյան մասում: Թաղոտ գյուղում և նրա շրջակայքում պահպանվել են գյուղի մեջ 1896 թվականին կառուցված «Սբ Հովհաննես» եկեղեցին, 17-րդ դարի խաչքարը, 1705 եւ 1731 թվականների տապանաքարերը, 1738 թվականին կառուցված աղբյուրը, 19-րդ դարի արձանագիր քարը, գյուղի սահմանաեզրին՝ 12-18-րդ դարերի գերեզմանոցը, 12-րդ դարի «Յոթ Խաչ» կիսավեր եկեղեցին, 12-18-րդ դարերի գյուղատեղի մնացորդները, 12-րդ դարի խաչքարերը։
Գյուղի նախկին խորհտնտեսությունը, իսկ 1995 թվականին դրա լուծարումից հետո բնակիչները զբաղվել են հացահատիկային, կերային, բանջարանոցային բույսերի մշակմամբ, անասնապահությամբ» ։
![](https://scontent.fevn12-1.fna.fbcdn.net/v/t39.30808-6/274306702_10226990614534996_5294119177097053327_n.jpg?_nc_cat=101&ccb=1-5&_nc_sid=8bfeb9&_nc_ohc=YQM-u6qSCG4AX-Hnsyd&_nc_ht=scontent.fevn12-1.fna&oh=00_AT--8L6PhO251ukyXBtRMiiXAaF8wR2S7H40BcTjoWvoHA&oe=62184198)
![](https://scontent.fevn12-1.fna.fbcdn.net/v/t39.30808-6/273957545_10226990616575047_1012943071201957171_n.jpg?stp=dst-jpg_p552x414&_nc_cat=103&ccb=1-5&_nc_sid=8bfeb9&_nc_ohc=NfRfSBvkqCEAX_tbC3x&_nc_ht=scontent.fevn12-1.fna&oh=00_AT9yCcUcg_rD6x-0O6nBh-80pCVH9zH2FDG5XBTkpNTMHQ&oe=6217B9B9)
![](https://scontent.fevn12-1.fna.fbcdn.net/v/t39.30808-6/274033187_10226990618975107_4894560797657640074_n.jpg?stp=dst-jpg_s600x600&_nc_cat=108&ccb=1-5&_nc_sid=8bfeb9&_nc_ohc=FC30aMM9-UgAX_-wCra&_nc_ht=scontent.fevn12-1.fna&oh=00_AT-wME-cfJSJanfF2b2evYRlReSyW2CTI2DWKRtRw4N97w&oe=62187D90)
![](https://scontent.fevn12-1.fna.fbcdn.net/v/t39.30808-6/274047628_10226990619175112_1714219199534465969_n.jpg?stp=dst-jpg_s600x600&_nc_cat=111&ccb=1-5&_nc_sid=8bfeb9&_nc_ohc=5FlDLVqTSX8AX9m-Q9n&_nc_ht=scontent.fevn12-1.fna&oh=00_AT9wyS5h9SKPsij2Dft9jDyycUdrSI29lnxdwPthMjLpMg&oe=62195C82)
![](https://scontent.fevn12-1.fna.fbcdn.net/v/t39.30808-6/p600x600/274348080_10226990615975032_6570360933866464565_n.jpg?_nc_cat=103&ccb=1-5&_nc_sid=8bfeb9&_nc_ohc=52tbboA-9vMAX-zyWQk&_nc_ht=scontent.fevn12-1.fna&oh=00_AT-dz7dfDxDF4G1Jwch96hHb4YXOOXfQkbtHMDW4NtfG_Q&oe=6217ECAF)