Լուրեր
Բզկտված ԱՐՑԱԽ. վերադառնալու´ ենք. Արտակ Զաքարյան
19.02.2022
![](http://www.hhk.am/files/n_pics/21458_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է.
«Բզկտված ԱՐՑԱԽ. վերադառնալու´ ենք:
ԹԱՂԱՍԵՌ, գյուղ Արցախի Հանրապետության Հադրութի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Այն տեղաբախշված է հանրապետության հարավ-արևելյան հատվածում։ Հադրութ շրջկենտրոնից գտնվում է 1 կմ հեռավորության վրա, իսկ մայրաքաղաք Ստեփանակերտից` 74 կմ հեռավորության վրա։ Լեռնային համայնք է, ունի 1144 հա տարածք, որից 616 հա գյուղատնտեսական նշանակության, 4741 անտառային հողեր։ Համայնքի տարածքում առկա են «Շենին», «Կոճին», «Սիսեռն» և «Տեղուն» աղբյուրները։
Համայնքի պատմամշակութային հուշարձաններից են` Սբ. Ամենափրկիչ եկեղեցի (17 դ.), գյուղատեղի «Հին շեն» (17 դ.), գերեզմանոց (17-19 դդ.), աղբյուր (20 դ.), կամուրջ (1763 թ.), հաշվառված է 19 հուշարձան։
Գյուղից մոտ 2 կմ հարավ-արևմուտք գտնվում է Թաղասերի անապատ հնավայրը․ այն տեղակայված է թթենիների և ընկուզենիների պուրակում՝ բլրակի ստորոտում։ Ս․ Աստվածածին եկեղեցին կառուցվել է 1635 թվականին։ Ս․ Աստվածածին եկեղեցին տեղակայված է նախկին ավերված եկեղեցու դիմաց, հին և նոր Թաղասեռ գյուղերի արանքում։
Եկեղեցու ներսում կան գերեզմանաքարեր և քանդակազարդ խաչքարեր։
Եկեղեցուց ներքև, գյուղի ավերակները մեծ տարածություն են զբաղեցնում, որը կոչվում է Շենատեղ։ Եկեղեցուց պահպանվել են պարիսպների պատերը, տների և եկեղեցիների տեղերը, սալահատակված փողոցների հետքերը։ Հնավայրում առկա են Խաչքարեր` արձանագրություններով։
Գյուղի բնակչությունը կազմում էր 434 մարդ, 121 տնտեսություն։ Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։ Համայնքում գործում էր գյուղապետարան, մշակույթի տուն, բուժկետ, հիմնական դպրոց, որտեղ սովորում էին 60 աշակերտներ»։
![](https://scontent.fevn6-4.fna.fbcdn.net/v/t39.30808-6/273838488_10226977949378375_2575417152971950890_n.jpg?_nc_cat=110&ccb=1-5&_nc_sid=8bfeb9&_nc_ohc=O1I8p8TgctsAX8XiAsF&_nc_ht=scontent.fevn6-4.fna&oh=00_AT_TWPrvKjvXEFw1JnX9DCH1MY7tPsRAsm6HSTGnfeg6pw&oe=62159158)
![](https://scontent.fevn6-2.fna.fbcdn.net/v/t39.30808-6/274213627_10226977950738409_3802636094976964805_n.jpg?_nc_cat=102&ccb=1-5&_nc_sid=8bfeb9&_nc_ohc=zQw04KUI6MAAX951wqI&_nc_ht=scontent.fevn6-2.fna&oh=00_AT-kJHkS04YCDrV1M6QuIdB0XkYKUKEjZkI7_1gMrPH-LQ&oe=6214BC33)
![](https://scontent.fevn6-2.fna.fbcdn.net/v/t39.30808-6/s600x600/274214039_10226977952738459_254946656421937294_n.jpg?_nc_cat=109&ccb=1-5&_nc_sid=8bfeb9&_nc_ohc=M9iRB3ympQEAX97_DkJ&_nc_ht=scontent.fevn6-2.fna&oh=00_AT_udSYnhR-n5EnfnXNMBdyjIHJh5KpXX15eXwp4_vo-6w&oe=6214E3DF)
![](https://scontent.fevn6-1.fna.fbcdn.net/v/t39.30808-6/s600x600/274016195_10226977952098443_6886106546866643239_n.jpg?_nc_cat=104&ccb=1-5&_nc_sid=8bfeb9&_nc_ohc=wIcgR76J7lIAX_vxa83&_nc_ht=scontent.fevn6-1.fna&oh=00_AT9qPGHAG2Z4PJGbagEiyrK32rqRhCcTT062CtvpnE4Scw&oe=6215A5E0)
![](https://scontent.fevn6-1.fna.fbcdn.net/v/t39.30808-6/274313047_10226977950218396_5881782806236839476_n.jpg?stp=dst-jpg_s600x600&_nc_cat=104&ccb=1-5&_nc_sid=8bfeb9&_nc_ohc=-99w8N9APfAAX-qXgXE&_nc_ht=scontent.fevn6-1.fna&oh=00_AT_oyGoUIuNRIQ9JNanF3n_BNI52pY6ehTIvpXYdPYbnSQ&oe=6215DF90)