Լուրեր
Հանրապետականները հարգանքի տուրք են մատուցել մարշալ Համազասպ Բաբաջանյանի հիշատակին․ Շարմազանով
18.02.2022
![](http://www.hhk.am/files/n_pics/21452_s.jpg)
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրել է․
«Հանրապետականները հարգանքի տուրք են մատուցել մարշալ Համազասպ Բաբաջանյանի հիշատակին։
Փետրվարի 18-ին լրանում է Խորհրդային Միության զրահատանկային զորքերի գլխավոր մարշալ, ԽՍՀՄ հերոս Համազասպ Բաբաջանյանի ծննդյան 116-ամյակը։
Հանրապետական կուսակցության ներկայացուցիչները ծաղկեպսակ են դրել ու ծաղիկներ խոնարհել Մեծ Հայրենականի եւ Բեռլինի գրավման հերոս , հայազգի ականավոր մարշալի հուշարձանին։
Մարշալ Բաբաջանյանը մասնակցել է Սմոլենսկի պաշտպանությանը, Ելնայի օպերացիային,Կուրսկի հերոսական ճակատամարտին եւ իհարկե, Բեռլինի գրավմանը։
Անուրանալի է հայ ժողովրդի զավակների ներդրումը ֆաշիզմի դեմ պայքարում։
Մարշալ Բաբաջանյանին ամենադիպուկ բնորոշումը տվել է ԽՍՀՄ մարշալ, Մեծ Հաղթանակի խորհրդանիշ Գեորգի Ժուկովը։
Խոսելով Բեռլինի գրավման պատասխանատուներից Համազասպ Բաբաջանյանի մասին՝ Հաղթանակի մարշալն ասել է.
«Այդ հայը վստահաբար կկատարի առաջադրանքը։
Նա վախ չունի, հնարամիտ է եւ օժտված»։
Հայ ժողովրդի պանծալի զավակ Համազասպ Բաբաջանյանի հուշարձանը բացվել է 2016-ի մայիսի 23-ին ՀՀ երրորդ նախագահ Սերժ Սարգսյանի նախաձեռնությամբ եւ մասնակցությամբ։
Հավերժ փառք Մեծ Հայրենականի հերոսներին»։
![](https://scontent.fevn2-1.fna.fbcdn.net/v/t39.30808-6/s600x600/274167464_485835089573463_6031477510068481_n.jpg?_nc_cat=110&ccb=1-5&_nc_sid=8bfeb9&_nc_ohc=A1cqakbvuTsAX-kr6hd&_nc_ht=scontent.fevn2-1.fna&oh=00_AT_RWZ26Jf1qwVmuENvmpbo8K56i26WrP6fufoWXk6964A&oe=62151DED)
![](https://scontent.fevn2-1.fna.fbcdn.net/v/t39.30808-6/274148997_485835272906778_6284888083067976963_n.jpg?stp=dst-jpg_s600x600&_nc_cat=109&ccb=1-5&_nc_sid=8bfeb9&_nc_ohc=IsYvawe1IboAX8ypDHj&_nc_ht=scontent.fevn2-1.fna&oh=00_AT8xIQPXQV7EuMZFmSeAmv6SblK_fgnD48_m-JmpCqUfLQ&oe=62138359)
![](https://scontent.fevn2-1.fna.fbcdn.net/v/t39.30808-6/273809404_485835396240099_5660120583684364105_n.jpg?stp=dst-jpg_s600x600&_nc_cat=105&ccb=1-5&_nc_sid=8bfeb9&_nc_ohc=69dVnV0-2N4AX-6KV3U&_nc_ht=scontent.fevn2-1.fna&oh=00_AT_m7g0-RnD1b0TxbObsDzjgoxQUyhlacVGXwjqjEe-Q3A&oe=6213A91C)
![](https://scontent.fevn2-1.fna.fbcdn.net/v/t39.30808-6/s600x600/274305078_485835582906747_135462788209351330_n.jpg?_nc_cat=110&ccb=1-5&_nc_sid=8bfeb9&_nc_ohc=Cf2vu1r3hf8AX8Y4Spa&_nc_ht=scontent.fevn2-1.fna&oh=00_AT_R5L8gKo2mgsaCOgiMmC_FGswbX4Xy6uF5ve5xwMZ-yw&oe=6213D64E)