Լուրեր
Բզկտված ԱՐՑԱԽ. վերադառնալու´ ենք․ Արտակ Զաքարյան
18.02.2022
![](http://www.hhk.am/files/n_pics/21453_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է․
«Բզկտված ԱՐՑԱԽ. վերադառնալու´ ենք:
ԲԱՆԱՁՈՐ, գյուղ Արցախի Հանրապետության Հադրութի շրջանում, որը Նիկոլի և նրան կցված բոսյակների խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Գյուղը Հադրութի շրջկենտրոնից գտնվում է 36 կմ հեռավորության վրա, իսկ մայրաքաղաք Ստեփանակերտից` 122 կմ հեռավորության վրա։ Բանաձոր համայնքի կազմի մեջ ընդգրկված է նաև Ցոր գյուղը, որտեղ մինչև բռնակցումը բնակվում էր 20 մարդ, կար 6 տնտեսություն։
Համայնքը լեռնային է, ունի 3576,5 հա տարածք, որից 2442,03 հա գյուղատնտեսական նշանակության, 1055,02 հա անտառային հողեր։
Գյուղի տարածքում առկա են «Քյարինջ», «Ղուլուշլու» և «Վերին» աղբյուրները։
Բանաձորի պատմամշակութային հուշարձաններն են՝ Սբ. Աստվածածնի եկեղեցի (17-րդ դար), գերեզմանոց (17-19-րդ դար), կամուրջ (19-րդ դար), մատուռ « Սպիտակ տղա» (12-14-րդ դար)։ Ցորում և շրջակայքում պահպանվել են Ամենափրկիչ (10-րդ դ․) և Լուսավորչի Անապատ (5-8-րդ դդ․) եկեղեցիները, կան նաև տարբեր ժամանակահատվածների ստորգետնյա կացարաններ, դամբարաններ, հնագույն տապանաքարեր, խաչքարեր, բերդեր ու ամրոցներ։ Այստեղ է գտնվում նաև Ցորաբերդի հայտնի ամրոցը, որը միջին դարերում հայտնի է եղել նաև որպես Վելիջանի բերդ՝ համանուն իշխանի անունով։
Գյուղի բնակչության թվաքանակը կազմում է 175 մարդ, գյուղում կար 63 տնտեսություն։ Բնակչությունը հիմնականում զբաղվում է գյուղատնտեսությամբ` անասնապահությամբ և հողագործությամբ։ Համայնքում գործում էր գյուղապետարան, մշակույթի տուն, բուժկետ, հիմնական դպրոց, որտեղ սովորում էին 20 աշակերտներ»։
![](https://scontent.fevn2-1.fna.fbcdn.net/v/t39.30808-6/273951932_10226972372678961_2146916284551129075_n.jpg?stp=dst-jpg_p526x296&_nc_cat=101&ccb=1-5&_nc_sid=8bfeb9&_nc_ohc=ZpbxxASEYbcAX-DJc99&_nc_ht=scontent.fevn2-1.fna&oh=00_AT__jMuCm9C-8AQOSadmJSV-RXriPeJOOv2GzL4PEbp9mw&oe=6214EB05)
![](https://scontent.fevn2-1.fna.fbcdn.net/v/t39.30808-6/p526x296/274222847_10226972372798964_5638268129514644374_n.jpg?_nc_cat=110&ccb=1-5&_nc_sid=8bfeb9&_nc_ohc=cfTk8y_sLQ0AX-UOAFo&_nc_ht=scontent.fevn2-1.fna&oh=00_AT-sKO1gFgIiiBzk_qo1KB3F9t5_Mrhq1I0Ggn7Zdn3u1w&oe=6214D02D)
![](https://scontent.fevn2-1.fna.fbcdn.net/v/t39.30808-6/s600x600/274105138_10226972377079071_8767914212262078911_n.jpg?_nc_cat=106&ccb=1-5&_nc_sid=8bfeb9&_nc_ohc=ahomSbMxJuMAX-QTDT7&_nc_ht=scontent.fevn2-1.fna&oh=00_AT8W3bisQ0XLoHGVxcHD4ragda-1VzNo5UPOsAFbKEwv_Q&oe=6213C052)
![](https://scontent.fevn2-1.fna.fbcdn.net/v/t39.30808-6/s600x600/274276785_10226972375239025_7392835674834054713_n.jpg?_nc_cat=103&ccb=1-5&_nc_sid=8bfeb9&_nc_ohc=T5Brd5XTqxAAX-YUYHX&_nc_ht=scontent.fevn2-1.fna&oh=00_AT-kQ9P4bYdcV9pyy3-N_JfgX6HeXmEYdPMH65WlBvESlg&oe=62138956)
![](https://scontent.fevn2-1.fna.fbcdn.net/v/t39.30808-6/273785610_10226972374599009_6602055994622830003_n.jpg?stp=dst-jpg_p526x296&_nc_cat=107&ccb=1-5&_nc_sid=8bfeb9&_nc_ohc=2hAbqUYFNccAX8ETGd6&_nc_ht=scontent.fevn2-1.fna&oh=00_AT-ndxNvbmeHwzzBQTHL4qFP5Irlr0haGcauOksbYcbPgA&oe=6213BCE8)