Լուրեր
Բզկտված ԱՐՑԱԽ. վերադառնալու´ ենք․ Արտակ Զաքարյան
14.02.2022
![](http://www.hhk.am/files/n_pics/21423_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է․
«Բզկտված ԱՐՑԱԽ. վերադառնալու´ ենք:
ԱԿՆԱՂԲՅՈՒՐ, գյուղ Արցախի Հանրապետության Հադրութի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Համայնքը տեղկայված է հանրապետության հարավ-արևելյան հատվածում, Հադրութ շրջկենտրոնից` 29 կմ հեռավորության վրա, իսկ Ստեփանակերտից` 70 կմ հեռավորության վրա։ Գյուղը գտնվում է Արևասար լեռան ստորոտին՝ 850 մ բարձրության վրա։
Լեռնային գյուղ է, ունի 1526,4 հա տարածք, որից 1306,13 հա գյուղատնտեսական նշանակության, 153,27 հա անտառային հողեր։
Ակնաղբյուր համայնքի սահմանային գոտով հոսում է Վարանդա գետի վտակը։ Համայնքի տարածքում առկա են «Սար բուլաղ» և «Արտեզյան ջրհոր» աղբյուրները։ Գյուղի պատմամշակութային հուշարձաններն են` Սբ. Աստվածածնի եկեղեցին (19-րդ դար) և 18-19-րդ դարերի գերեզմանոցը։
Մինչև ադրբեջանական օկուպանտների վերահսկողության տակ անցնելը գյուղի բնակչությունը կազմում էր 320-330 մարդ, գյուղում կար 79 տնտեսություն։
Բնակչությունը հիմնականում զբաղվում էր գյուղատնտեսությամբ` անասնապահությամբ և հողագործությամբ։ Գործում էր նաև միջնակարգ դպրոց՝ զոհված ազատամարտիկ Վ. Ամխջանյանի անվան (վերականգնվել է Միջազգային կարմիր խաչի աջակցությամբ), որտեղ սովորում էին 50-ից ավել աշակերտներ․ գործում էր նաև բուժկետն ու գյուղապետարանը»։
![](https://scontent.fevn2-1.fna.fbcdn.net/v/t39.30808-6/s600x600/273656285_10226944762268718_4038737976589918109_n.jpg?_nc_cat=107&ccb=1-5&_nc_sid=8bfeb9&_nc_ohc=ha25kxRWocYAX9bkWv2&_nc_ht=scontent.fevn2-1.fna&oh=00_AT-g_0rxRLbeKCnucgKVVPc015p5VFti_FDvNdsuOhEngA&oe=620E5220)
![](https://scontent.fevn2-1.fna.fbcdn.net/v/t39.30808-6/s600x600/273617068_10226944762828732_1447214926296678635_n.jpg?_nc_cat=109&ccb=1-5&_nc_sid=8bfeb9&_nc_ohc=72G4xXXXpDgAX8fjRMo&tn=HGXy75sIvEVNKkoH&_nc_ht=scontent.fevn2-1.fna&oh=00_AT8kZIlkmgzDyy9bGcxSOFjY_UwZ-S38D2y10UI7zsNRtQ&oe=62100526)
![](https://scontent.fevn2-1.fna.fbcdn.net/v/t39.30808-6/273483697_10226944762148715_3117999740745676249_n.jpg?_nc_cat=105&ccb=1-5&_nc_sid=8bfeb9&_nc_ohc=Lw1gROYHt28AX-calW7&tn=HGXy75sIvEVNKkoH&_nc_ht=scontent.fevn2-1.fna&oh=00_AT_0dtPnqFObEkUQ7RkY-HFsRTBEKEOGTFT3SwrvUZqy9w&oe=620E5CF3)
![](https://scontent.fevn2-1.fna.fbcdn.net/v/t39.30808-6/p526x395/273542006_10226944763508749_8333894295424729508_n.jpg?_nc_cat=102&ccb=1-5&_nc_sid=8bfeb9&_nc_ohc=eapviRDk5-cAX9h9cyN&tn=HGXy75sIvEVNKkoH&_nc_ht=scontent.fevn2-1.fna&oh=00_AT-Q9c1GiGoRD_EQnKmtz3S69y5cxsWfGR1sNg-gSSUY0Q&oe=620E83E4)
![](https://scontent.fevn2-1.fna.fbcdn.net/v/t39.30808-6/p526x395/274007504_10226944762708729_3816658507058537838_n.jpg?_nc_cat=106&ccb=1-5&_nc_sid=8bfeb9&_nc_ohc=OtagLoyitNUAX-_35Vy&tn=HGXy75sIvEVNKkoH&_nc_ht=scontent.fevn2-1.fna&oh=00_AT8Y89hrtxr0srWt450-F10zxzIQ8Hhgnw00eNVyi2CiBA&oe=620FABB1)