Լուրեր
Բզկտված ԱՐՑԱԽ. վերադառնալու´ ենք․ Արտակ Զաքարյանը
14.02.2022
![](http://www.hhk.am/files/n_pics/21422_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է․
«Բզկտված ԱՐՑԱԽ. վերադառնալու´ ենք:
ՎԱՆՔ, գյուղ Արցախի Հանրապետության Հադրութի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Գյուղը գտնվում է Ղարաբաղի լեռնաշղթայի Իշխանասարի հարավ-արևելյան լանջի հարթավայրային մասում, Հադրութ քաղաքից 2 կմ հեռավորության վրա։ Համայնքը որպես վարչական միավոր մտնում էր Հադրութ քաղաքային համայնքի մեջ։
Գյուղում 12–17–րդ դարից պահպանվել է «Սպիտակ խաչ» վանական համալիրը՝ իր «Սպիտակ խաչ» եկեղեցիով, գավիթով, 1735 թվականից կառուցված սեղանատնով, զանգակատնով։ Պահպանվել է եկեղեցու արևմտյան կողմում գտնվող գերեզմանը խաչարձանի հետ միասին, վանքի հյուսիսային մասում՝ ուխտավորների համար նախատեսված սենյակը, որտեղ գտնվում էին երկու վիմափոր խցերը։ Ավանդության համաձայն՝ վանքում եղել է մի սպիտակ խաչ, Աղվանից Եսայի, Ներսես և Հովհաննես կաթողիկոսների կողմից գրված կոնդակներ, որոնք գողացվել են։ Վանական համալիրից առանձին կանգնած է եղել 1333 թվականից մեզ հասած խաչքարը:
Գյուղում պահպանվել է նաև Վիլիջան իշխանի բերդը կամ «Ցորաբերդը»։
Գյուղի բնակչության թիվը վերջին շրջանում կազմում էր 130 մարդ, գյուղում կար 37 տնտեսություն։ Համայնքում գործում էր նաև տարրական դպրոց, ակումբ, գրադարան, բուժկայան»։
![](https://scontent.fevn2-1.fna.fbcdn.net/v/t39.30808-6/s600x600/273579507_10226950448410868_2790433097294136464_n.jpg?_nc_cat=103&ccb=1-5&_nc_sid=8bfeb9&_nc_ohc=79fl2fhVPt0AX92fgqn&_nc_ht=scontent.fevn2-1.fna&oh=00_AT93fC0SGDG2J1EZzwqiom3yYrDgf-i39NDvHRsnrbF1RA&oe=62100503)
![](https://scontent.fevn2-1.fna.fbcdn.net/v/t39.30808-6/p526x395/273735125_10226950449290890_8322616961085731487_n.jpg?_nc_cat=104&ccb=1-5&_nc_sid=8bfeb9&_nc_ohc=iWe_zck7X6kAX_FTZ9D&_nc_ht=scontent.fevn2-1.fna&oh=00_AT9oxe-s_p6rYFbWJaigCyucefjz_aq0uHd4C6MKhQv38A&oe=620FF16F)
![](https://scontent.fevn2-1.fna.fbcdn.net/v/t39.30808-6/273546953_10226950450130911_7656771819843066740_n.jpg?_nc_cat=106&ccb=1-5&_nc_sid=8bfeb9&_nc_ohc=nKy_nfqO478AX8mer5Z&_nc_ht=scontent.fevn2-1.fna&oh=00_AT_Y6QLIIgJ5N3hCqzNDIj6ilHlgJR84FpbxqvrLwSy8Ow&oe=62100265)
![](https://scontent.fevn2-1.fna.fbcdn.net/v/t39.30808-6/273508368_10226950448930881_9028748394802118918_n.jpg?_nc_cat=108&ccb=1-5&_nc_sid=8bfeb9&_nc_ohc=ijnW1OLnP0EAX_AD34L&_nc_ht=scontent.fevn2-1.fna&oh=00_AT_zSI7sNkQX-dJHEVKemCwE7WGhGb4eQMRSDubcV8ynYA&oe=620F3D4F)
![](https://scontent.fevn2-1.fna.fbcdn.net/v/t39.30808-6/274050255_10226950449410893_306192185474899161_n.jpg?_nc_cat=106&ccb=1-5&_nc_sid=8bfeb9&_nc_ohc=MMLsctL5PIcAX8Pb3Jd&_nc_ht=scontent.fevn2-1.fna&oh=00_AT-tOeuyaxC8U_8hrujPsszt2FpUnFCecgqJ7QwWGtuOOw&oe=620FBB66)