Հայաստանի Հանրապետական կուսակցություն

 

ՆՈՐ ԱՅԳԵՍՏԱՆ, գյուղ Արցախի Հանրապետության Մարտակերտի շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։

Գյուղը տեղաբաշխված է հանրապետության արևելյան հատվածում։ Համայնքը գտնվում է Մարտակերտից 25 կմ, իսկ մայրաքաղաք Ստեփանակերտից՝ 45 կմ հեռավորության վրա։ Համայնքը հարթավայրային է, ունի 1313.42 հա տարածք, որից 791.78 հա գյուղատնտեսական նշանակության, 351.65 հա անտառային հողեր։

 

Համայնքի սահմանային գոտով հոսում է Խաչեն գետը: Գյուղի տարածքում առկա է «Տնջրե» աղբյուրը, հավելենք, որ գյուղում կա նաև գաջի հանքային պաշար։ Ի դեպ՝ գյուղում կան պատմամշակութային հուշարձաններ` դամբարաններ (մ.թ.ա. II-I հազ.):

Բնակավայրը հիմնադրվել է 1994 թվականի զինադադարից հետո՝ Այգեստանից (Չայլու) բռնագաղթած բնակիչների կողմից։ Բնակիչները հիմնականում զբաղվում էին գյուղատնտեսությամբ՝ անասնապահությամբ և հողագործությամբ։

 

Մինչև գյուղի թշնամուն հանձնումն այնտեղ բնակվում էր 281 մարդ, համայնքում կար 89 տնտեսություն։ Գործում էր գյուղապետարան, մշակույթի տուն, բուժկետ, միջնակարգ դպրոց, որտեղ սովորում էր 42 աշակերտ»։