Լուրեր
Բզկտված ԱՐՑԱԽ. վերադառնալու´ ենք. Արտակ Զաքարյան
30.01.2022
![](http://www.hhk.am/files/n_pics/21289_s.jpg)
ՀՀԿ ԳՄ անդամ Արտակ Զաքարյանը ֆեյսբուքյան իր էջում գրել է.
«Բզկտված ԱՐՑԱԽ. վերադառնալու´ ենք:
ՋԻՎԱՆԻ, գյուղ Արցախի Հանրապետության Մարտունու շրջանում, որը Նիկոլի և նրան կցված խունտայի շնորհիվ, ներկայումս ժամանակավորապես գտնվում է Ադրբեջանի «զինված ուժերի» վերահսկողության ներքո։
Համայնքը տեղաբաշխված է հանրապետության հարավարևելյան հատվածում։ Մարտունի շրջկենտրոնից գտնվում է 43 կմ հեռավորության վրա, իսկ մայրաքաղաք Ստեփանակերտից՝ 45 կմ հեռավորության վրա։ Համայնքը հարթավայրային է, ունի 1301,48 հա տարածք, որից 1172,56 հա գյուղատնտեսական նշանակություն, 95,65 հա անտառային հողեր։ Ջիվանի համայնքի սահմանային գոտով հոսում է Վարանդա գետը։
Նոր համայնք է, որպես առանձին համայնք հաստատվել է 2001 թվականի հունիսին: Մինչև հակառակորդի կողմից բռնազավթումը Ջիվանի համայնքի բնակչության թվաքանակը կազմում էր 198 մարդ, կար 40 տնտեսություն։
Ինչպես Արցախի մնացած գյուղերում բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։ 2015 թվականի դրությամբ համայնքում գործում էր գյուղապետարան, մշակույթի տուն, բուժկետ, հիմնական դպրոց, որտեղ սովորում էին 37 աշակերտներ»։
![](https://scontent.fevn6-1.fna.fbcdn.net/v/t39.30808-6/s600x600/248369425_10226863272551526_2415508381973091053_n.jpg?_nc_cat=104&ccb=1-5&_nc_sid=8bfeb9&_nc_ohc=GbBCM5Oa-cIAX_x-AN2&_nc_ht=scontent.fevn6-1.fna&oh=00_AT9iUvXrbRR_W3RQOIgnIYDiNcFqp-Uzs4cZZWnWzF_J6Q&oe=61FB7096)
![](https://scontent.fevn6-1.fna.fbcdn.net/v/t39.30808-6/p235x350/272668648_10226863272711530_7639910969537074332_n.jpg?_nc_cat=100&ccb=1-5&_nc_sid=8bfeb9&_nc_ohc=SP9012Tc_SIAX9BIvxF&_nc_ht=scontent.fevn6-1.fna&oh=00_AT9-4AyM6wwlVRdgTuTHAEwqkT63-RSHTTFB3MWcn_W1Sg&oe=61FBEF82)
![](https://scontent.fevn6-3.fna.fbcdn.net/v/t39.30808-6/s600x600/272837691_10226863272631528_2806440150143782388_n.jpg?_nc_cat=106&ccb=1-5&_nc_sid=8bfeb9&_nc_ohc=JU23v_ZCV64AX_hcyg4&_nc_ht=scontent.fevn6-3.fna&oh=00_AT8Td6pMf7hBqGJBE474A8f209QT4bY59p6LF-k-nqDi-A&oe=61FBF95B)