Լուրեր
Այս իրավիճակում Թուրքիայի հետ հարաբերությունները մեր արժանապատվության հաշվին են լինելու. Աշոտյան
31.12.2021
Երեկ Էրդողանի կուսակցության փոխնախագահը հայտարարեց մի շարք թուրքական նախապայմանների մասին. ակնհայտ է, որ այդ նախապայմաններըկմ բավարարվել են կամ բավարարման փուլում են: Այս մասին, այսօր՝ դեկտեմբերի 31-ին, դատախազության դիմաց բողոքի ակցիայի ժամանակ հայտարարեց ՀՀԿ փոխնախագահ Արմեն Աշոտյանը:
«Այս կառավարության ծրագիրը կեղծիքների կույտ է, այդ կեղծիքների մեջ, օրինակ, գրված էր, որ Արցախի հարցը լուծված չէ եւ պետք է լուծվի հիմնարար սկզբունքների հիման վրա, այնինչ այդ սրիկան այս վերջին ասուլիսին, նաեւ դրանից առաջ հետեւողականորեն հրաժարվում է Արցախի հարցից, մեր բոլոր դիվանագիտական կռվաններից: Այս իրավիճակում Թուրքիայի հետ հարաբերությունները մեր արժանապատվության հաշվին են լինելու: Ես զարմանում եմ մեր սփյուռքահայ հայրենակիցների վրա, որոնց ազգային ինքնության մի մասը կառուցված է Ցեղասպանության միջազգային ճանաչման վրա: Ծախում են ձեր նախնիների հիշատակը: Արդյոք Սփյուռքը կհանդուրժի Ցեղասպանության վաճառքը, ես հուսով եմ՝ ոչ»,-հայտարարեց Աշոտյանը:
Նա համոզմունք հայտնեց, որ 2022 թվականը մեր վերջին շանսն է լինելու պետականություն փրկելու, աշխարհի քարտեզի վրա որպես հայ դիրքավորվելու:
news.am