Հայաստանի Հանրապետական կուսակցություն

 

Նիստին մասնակցում են միայն ԱԺ ընդդիմադիր երկու խմբակցությունների պատգամավորները, ՔՊ-ական որևէ պատգամավոր ներկա չէ։

 

ԱԺ «Պատիվ ունեմ» խմբակցության քարտուղար Հայկ Մամիջանյանի խոսքով՝ իշխող, իսկ իրականում Հայաստանում ադրբեջանական քաղաքականություն իրականացնող իշխող խմբակցության ներկայացուցիչները նիստին չեն մասնակցում, քանի որ լծված են ՏԻՄ ընտրություններում քարոզչություն իրականացնելու գործին։

 

«Այս պահին խնդրանքս քաղաքացիներին հետևյալն է, երբ ՔՊ երեսփոխանները հայտնվեն ձեր բնակավայրերում, փորձեն քարոզել իրենց թեկնածուների համար, խնդրում եմ՝ ուղիղ մոտեցեք իրենց ու հարցրեք՝ այդ ինչպե՞ս է ստացվում, որ ավելի կարևոր գործ է ՏԻՄ ընտրություններում իրենց թեկնածուների առաջխաղացումը, քան այս հարցի քննարկումը։ Մի՞թե իրենց չի հետաքրքրում, թե՞ իրենք երջանիկ են, այսպես կոչված, այլընտրանքային ճանապարհով ու Երևան-Կապան շաբաթական ուղիղ չվերթով»,- նշեց Հայկ Մամիջանյանը։

 

Նա հիշեցրեց, որ դեռևս 2018 թվականին կապիտուլյանտն Ալիևին խնդրել էր, որպեսզի սահմանային լարվածություն չստեղծի, որպեսզի կարողանա լուծել իր կողմից ատելի,  հայրենասեր ու ազգային պահպանողական ուժերի, այն ժամանակ՝ միայն ՀՀԿ-ի, իսկ այժմ՝ այլ ուժերի հարցերը։

 

«Հիմա էլ իրար հետ խոսել են, ասել է՝ խնդրում եմ, սպասի՝ այս ճանապարհը բացեմ, դրանից հետո կարող ես մաքսակետդ տեղադրել։ Տրամաբանությունը հետևյալն է, սիրելի հայրենակիցներ, ՏԻՄ ընտրությունները կայանալու են նաև դեկտեմբերին, ու դուք հնարավորություն ունեք ՔՊ երեսփոխաններին տեսնելու ձեր համայնքներում։ Շատ եմ խնդրում՝ մոտենալ ու հարցնել՝ մինչև որտե՞ղ են հայրենիքը ծախելու»,- եզրափակեց Հայկ Մամիջանյանը։