Լուրեր
«Ամբողջ Հայաստանին են հայտնի՝ ովքեր են քեֆ անողները». Ռուբեն Հայրապետյանը հրապարակել է Մոսկվայում իր հասցեն
27.09.2021
Ես իմ տանը նույնիսկ խորովածի ծուխ չեմ բարձրացրել պատերազմից հետո: Այս մասին NEWSPRESS.am-ի հետ զրույցում ասաց ՀՖՖ նախկին նախագահ, գործարար Ռուբեն Հայրապետյանը՝ անդրադառնալով համացանցում շրջանառվող տեղեկությանը, թե նրա հայրական տանը մի քանի օր շարունակ քեֆ է եղել, իսկ ինքը գտնվում է Դոնի-Ռոստովում:
«Ես իմ հայրական տանը մինչև հիմա խորոված չեմ անում, և երկրորդ՝ ես թաքնված չեմ ոչ մեկից, Դոնի-Ռոստովում վերջին անգամ 8 տարի առաջ եմ եղել: Ներկայիս հասցեն էլ կարող եմ հրապարակել՝ Մոսկվա, Մոսֆիլմի փողոց 70, կորպուս 4, բն. 752: Ստահոդ լուրերը տարածելու մասնագիտությանը պետք է վե՞րջ տան, թե՞ չէ»:
Նա շեշտեց, որ փորձ է արվում անընդհատ մարդկանց վարկաբեկելու:
«Ամբողջ Հայաստանին են հայտնի, թե ովքեր են քեֆ անողները և ինչի համար են քեֆ անում: Ես ինչպե՞ս կարող եմ քեֆ անել: Այդքան զոհեր ենք տվել, իմ ընտանիքի որևէ անդամ կարող է քե՞ֆ անել»,- ասաց Հայրապետյանը՝ հավելելով, որ կատարվողը դավաճան ու ծախված պատվիրատուների ձեռքի գործն է:
newspress.am