Հայաստանի Հանրապետական կուսակցություն

 

Նա ընդգծեց, որ այժմ Հայաստանը անկախության պակասից շնչահեղձ է լինում։

 

«Այդ շնչահեղձության հետևանքն է, որ հազարավոր թուրքեր մեր սահմաններին են, ու մարդիկ չեն զգում դա, որ 5 000–ից ավելի երիտասարդ, սուրբ տղաներ գնացել, նահատակվել են, ու իրենց համար դա մեծ ողբերգություն չէ, որ հարյուրավոր տղաներ թուրքական բանտերում են, տասնյակ հազարից ավելի անդամալույծ տղաներ ունենք, «և ոչինչ»։ Այ, դա շնչահեղձ վիճակի դրսևորում է», – ասաց նա։

 

Գագիկ Մինասյանը հասարակության մի հատվածի այսպիսի վերաբերմունքը բնորոշեց որպես հիվանդություն, որի բացիլները ներարկել են այսօրվա իշխանությունները, իսկ հասարակության առողջացման առաջին նախապայման համարեց գործող իշխանության հեռացումը։

 

«Այն կորուստները, որոնք ունենք այսօր, երբեք չենք ունեցել։ Եթե այս երևույթները այսօրվա իշխանությունները հավուր պատշաճի ընկալեին և ունենային բարոյականության գոնե նվազագույն մակարդակ, իհարկե, պետք է հրաժարական տային և հեռանային՝ ոչ միայն այն պատճառով, որ տապալել են այն մեծագույն ջանքերը, որը մեր անկախության սերունդը իր ուսերի վրա կերտեց, այլև որպեսզի չտանեն նորանոր փորձությունների այս պետությանն ու այս ժողովրդին, որովհետև երբ մենք մեր հայրենակիցներին նույնիսկ 44-օրյա պատերազմից հետո փորձում ենք ասել՝ ուշքի՛ եկեք, սա դեռ վերջը չէ, հասարակության շատ անդամներ ասում են՝ դե լավ, ինչ եղավ՝ եղավ», – նշեց Մինասյանը։

 

Նա նաև համոզմունք հայտնեց, որ առաջիկայում Հայաստանին ու հայ ժողովրդին սպասվող նոր փորձություններից խուսափելու համար համախմբված պայքարն անհրաժեշտություն է և իրագործելի։

 

«Փորձություններն այս իշխանության օրոք՝ մեր պետության ու մեր ժողովրդի գլխին, գալիս են անընդհատ, և այսօր դեռ վերջը չէ, մեզ էլի փորձություններ են սպասվում, հետևաբար, երբեք ուշ չէ համախմբվելու և այս իշխանությանը հեռացնելու, դատապարտյալի աթոռին նստեցնելու համար», – ընգծեց Գագիկ Մինասյանը։