Լուրեր
Կորցրեցինք Արցախի Հանրապետության գոյաբանական հենքը. Արտակ Զաքարյան
02.09.2021
![](http://www.hhk.am/files/n_pics/20468_s.jpg)
ՀՀԿ խորհրդի անդամ Արտակ Զաքարյանը ֆեյսբուքյան իր էջում գրել է.
«Լևոն Տեր Պետրոսյան, Ռոբերտ Քոչարյան,
Սերժ Սարգսյան, Վազգեն Սարգսյան,
Արկադի Ղուկասյան, Բակո Սահակյան։
Այս մարդկանց ղեկավարությամբ, առաջնորդությամբ, և նրանց բազմաթիվ նվիրյալ թիմակիցների կյանքի գնով և ջանքերով ազատագրվեց, հռչակվեց, կայացավ և զարգացավ Արցախի Հանրապեությունը։ Հպարտություն, հզորություն, ապահովություն, կայունություն, ոգևորություն ապրեցինք բոլորս։
Նիկոլ Փաշինյան։ Այս մարդու ղեկավարությամբ, և իր թիմի ջանքերով, մենք կորցրեցինք մեր 29 տարիների համազգային կենսագրությունը։ Կորցրեցինք Արցախի Հանրապետության գոյաբանական հենքը, կենսագործունեության տարածքը, հայ ժողովրդի և Հայաստանի անվտանգության ամուր պատնեշը, ապահով և կայուն զարգացման հեռանկարները։ Մենք կորցրեցինք մեր համազգային ոգևորության աղբյուրը, կորցրեցինք մեր հոգևոր-մշակութային հարուստ ժառանգության յուրօրինակ հատվածը։ Մենք կորցրեցինք արյունով պահված և պաշտպանված Հայրենիքի մի մասը։ Մենք կորցրեցինք տնտեսական մի ողջ կարողություն, մենք կորցրեցինք մեր աշխարհաքաղաքական դերը։ Մենք կորցրեցինք մեր հեղինակությունն ու վստահությունը։
Այսօր, շնորհիվ Ռուսաստանի խաղաղապահների և անձամբ նախագահ Պուտինի անձնական ջանքերի, մենք այնուամենայնիվ ունենք մի կտոր Արցախի Հանրապետություն։ Եվ այն հայկական է, հայեցի ու հայալեզու է։
Պայքարը շարունակվում է։
Ամեն ինչ դեռ առջևում է և վերածնունդ լինելու է»։
![](https://scontent.fevn6-3.fna.fbcdn.net/v/t39.30808-6/p180x540/240968242_10225993139118734_8550819161571744640_n.jpg?_nc_cat=106&_nc_rgb565=1&ccb=1-5&_nc_sid=730e14&_nc_ohc=3nqRVketw6gAX-9xbcr&_nc_ht=scontent.fevn6-3.fna&oh=8185ddfd4c9f6b0ebfaf0eac99fd7b61&oe=6134BCE3)
![](https://scontent.fevn6-3.fna.fbcdn.net/v/t39.30808-6/p180x540/240604525_10225993139558745_2194108110580600621_n.jpg?_nc_cat=108&_nc_rgb565=1&ccb=1-5&_nc_sid=730e14&_nc_ohc=7A9CGLnb9roAX-pUHVA&_nc_ht=scontent.fevn6-3.fna&oh=708bc1b9b94fd43b9a4ecc5f0fd6836a&oe=6134CA31)
![](https://scontent.fevn6-3.fna.fbcdn.net/v/t39.30808-6/p600x600/240594090_10225993139918754_5603099273034755790_n.jpg?_nc_cat=107&ccb=1-5&_nc_sid=730e14&_nc_ohc=mOK775ScrewAX-sWdwJ&_nc_ht=scontent.fevn6-3.fna&oh=19a4a398e99a346535be2a712ef5647d&oe=6134A668)