Լուրեր
Էրդողանը որոշել է ժխտել Ցեղասպանությունը նաև գիտական հենքի վրա. Արտակ Զաքարյան
15.07.2021
ՀՀԿ խորհրդի անդամ Արտակ Զաքարյանը ֆեյսբուքյան իր էջում գրել է.
«Էրդողանը որոշել է ժխտել Ցեղասպանությունը նաև գիտական հենքի վրա։
Թուրքիայի նախագահը հրամանագիր է ստորագրել, համաձայն որի Ստամբուլի համալսարանի ենթակայությամբ ստեցծվելու է «Ցեղասպանությունների և մարդկության դեմ գործած հանցանքների միջազգային ինստիտուտ»։
Նախկինում, Թուրքիայում պետական մակարդակով ստեղծվել էր հատուկ հաստատություն, որը զբաղվում էր հայերի, հույների և ասորիների դեմ, Օսմանյան կայսրության գործած Ցեղասպանության ժխտման քաղաքականությամբ։
Վստահ կարող ենք ասել, որ այս նոր հրամանագրով, փորձելու են պատմագիտական հենքեր ստեղծելով, ամրապնդել 1915թ. Հայոց Ցեղասպանության՝ թուրքական ժխտողական քաղաքականության գործող մեխանիզմները»։
